ਬਾਲੀਵੁੱਡ ਅਦਾਕਾਰ ਆਮਿਰ ਖਾਨ ਤੇ ਅਦਾਕਾਰਾ ਕੈਟਰੀਨਾ ਕੈਫ ਇੱਕ ਵਾਰ ਮੁੜ ਇਕੱਠੇ ਨਜ਼ਰ ਆਉਣ ਵਾਲੇ ਹਨ। ਆਮਿਰ ਅਤੇ ਕੈਟਰੀਨਾ ਫਿਲਮ ‘ਧੁੰਮ 3’ ਦੇ ਬਾਅਦ ਹੁਣ ਫਿਲਮ ‘ਠੱਗਸ ਆਫ਼ ਹਿੰਦੁਸਤਾਨ’ ਵਿੱਚ ਨਾਲ ਕੰਮ ਕਰ ਰਹੇ ਹਨ। ਇਸ ਫਿਲਮ ਵਿੱਚ ਅਮਿਤਾਭ ਬੱਚਨ ਅਤੇ ਫਿਲਮ ‘ਦੰਗਲ’ ਫੇਮ ਅਦਾਕਾਰਾ ਫਾਤੀਮਾ ਸਨਾ ਸ਼ੇਖ ਵੀ ਹਨ।
ਯਸ਼ਰਾਜ ਪ੍ਰੋਡਕਸ਼ਨ ਦੀ ਇਸ ਫਿਲਮ ‘ਠੱਗਸ ਆਫ਼ ਹਿੰਦੁਸਤਾਨ’ ਨੂੰ ਡਾਇਰੈਕਟਰ ਵਿਜੇ ਕ੍ਰਿਸ਼ਣ ਆਚਾਰੀਆ ਡਾਇਰੈਕਟ ਕਰਨਗੇ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਕੈਟਰੀਨਾ ਅਤੇ ਆਮਿਰ ਦੀ ਨਾਲ ਆਈ ਫਿਲਮ ‘ਧੁੰਮ 3’ ਦਾ ਨਿਰਦੇਸ਼ਨ ਵੀ ਵਿਜੇ ਕ੍ਰਿਸ਼ਣ ਨੇ ਹੀ ਕੀਤਾ ਸੀ।
ਅਦਾਕਾਰ ਆਮਿਰ ਖਾਨ ਨੇ ਟਵਿਟਰ ਉੱਤੇ ਇਸ ਗੱਲ ਦੀ ਜਾਣਕਾਰੀ ਦਿੰਦੇ ਹੋਏ ਟਵੀਟ ਕੀਤਾ – ਆਖ਼ਿਰਕਾਰ ਸਾਨੂੰ ਸਾਡੀ ਆਖ਼ਰੀ ਠੱਗ ਮਿਲ ਗਈ ਹੈ……ਕੈਟਰੀਨਾ। ਤੁਹਾਡਾ ਸਵਾਗਤ ਹੈ ਕੈਟ।
ਤਾਂ ਉੱਥੇ ਹੀ, ਯਸ਼ਰਾਜ ਬੈਨਰ ਵੱਲੋਂ ਜਾਰੀ ਇੱਕ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ, ‘ਯਸ਼ਰਾਜ ਫਿਲੰਸ ਦੀ ਵੱਡੇ ਸਿਤਾਰਿਆਂ ਨਾਲ ਸਜੀ ਇਸ ਫਿਲਮ ਨਾਲ ਇੱਕ ਹੋਰ ਠੱਗ ਜੁੜ ਗਈ ਹੈ। ਕੈਟਰੀਨਾ ਕੈਫ ਇਸ ਬਿਹਤਰੀਨ ਫਿਲਮ ਵਿੱਚ ਹੋਰ ਠੱਗਾਂ ਅਮਿਤਾਭ , ਆਮਿਰ ਅਤੇ ਫਾਤੀਮਾ ਸਨਾ ਸ਼ੇਖ ਦੇ ਨਾਲ ਸ਼ਾਮਿਲ ਹੋ ਗਈ ਹੈ, ਜੋ ਸ਼ਾਨਦਾਰ ਅਨੁਭਵ ਹੋਵੇਗਾ’। ਫਿਲਮ ‘ਠੱਗਸ ਆਫ਼ ਹਿੰਦੁਸਤਾਨ’ ਦੀ ਸ਼ੂਟਿੰਗ 1 ਜੂਨ ਤੋਂ ਸ਼ੁਰੂ ਹੋਵੇਗੀ ਅਤੇ ਇਸ ਫਿਲਮ ਦੇ ਅਗਲੇ ਸਾਲ ਯਾਨੀ 2018 ਵਿੱਚ ਦਿਵਾਲੀ ਦੇ ਆਸਪਾਸ ਰਿਲੀਜ਼ ਹੋਵੇਗੀ।
