ਐਡੀਲੇਡ, 22 ਮਈ – ਉਲੰਪਿਕ ਸੋਨ ਤਗਮਾ ਜੇਤੂ ਆਸਟਰੇਲੀਆ ਦੀ ਏ. ਟਿਟਮਸ ਨੇ ਆਸਟਰੇਲਿਆਈ ਤੈਰਾਕੀ ਚੈਂਪੀਅਨਸ਼ਿਪ ਵਿੱਚ ਔਰਤਾਂ ਦੇ 400 ਮੀਟਰ ਫ੍ਰੀਸਟਾਈਲ ਵਰਗ ਵਿੱਚ ਨਵਾਂ ਵਰਲਡ ਰਿਕਾਰਡ ਬਣਾਇਆ ਹੈ। ਟਿਟਮਸ ਨੇ ਅੱਜ ਦੱਖਣੀ ਆਸਟਰੇਲਿਆਈ ਐਕੁਏਟਿਕ ਸੈਂਟਰ ਵਿੱਚ 400 ਮੀਟਰ ਫ੍ਰੀਸਟਾਈਲ ਦੇ ਫਾਈਨਲ ਮੁਕਾਬਲੇ ਵਿੱਚ 3 ਮਿੰਟ 56.40 ਸਕਿੰਟ ਦਾ ਸਮਾਂ ਲੈਂਦਿਆਂ ਕੇਟੀ ਲੈਡੇਕੀ ਦਾ ਰਿਕਾਰਡ ਤੋੜਿਆ। ਕੇਟੀ ਨੇ ਰੀਓ ਉਲੰਪਿਕਸ-2016 ਵਿੱਚ 3 ਮਿੰਟ 56.46 ਸਕਿੰਟ ਦਾ ਸਮਾਂ ਕੱਢਦਿਆਂ ਰਿਕਾਰਡ ਬਣਾਇਆ ਸੀ। ਏ. ਟਿਟਮਸ ਨੇ ਪਿਛਲੇ ਟੋਕੀਓ ਉਲੰਪਿਕਸ 2020 ਵਿੱਚ 200 ਮੀਟਰ ਫ੍ਰੀਸਟਾਈਲ ਵਿੱਚ ਵੀ ਸੋਨ ਤਗਮਾ ਜਿੱਤਿਆ ਸੀ।
