ਸ. ਸੁਖਦੇਵ ਸਿੰਘ (ਗੇਟ ਗ੍ਰਿਲਾਂ ਵਾਲੇ) ਦੇ ਭਤੀਜੇ ਅਤੇ ਸ. ਮਦਨਜੀਤ ਸਿੰਘ (ਐਨਜ਼ੈੱਡ ਪਲੰਮਿੰਗ ਵਾਲੇ) ਦੇ ਸਾਲਾ ਸਾਹਿਬ ਸਨ
ਆਕਲੈਂਡ, 20 ਅਕਤੂਬਰ (ਕੂਕ ਪੰਜਾਬੀ ਸਮਾਚਾਰ/ਹਰਜਿੰਦਰ ਸਿੰਘ ਬਸਿਆਲਾ) – ਆਕਲੈਂਡ ਵੱਸਦੇ ਭਾਰਤੀ ਭਾਈਚਾਰੇ ਖ਼ਾਸ ਕਰ ਪੰਜਾਬੀ ਭਾਈਚਾਰੇ ਲਈ ਬਹੁਤ ਹੀ ਸ਼ੋਕਮਈ ਸਮਾਚਾਰ ਹੈ ਕਿ ਪਾਪਾਟੋਏਟੋਏ ਨਿਵਾਸੀ ਸ. ਗੁਰਦੀਪ ਸਿੰਘ ਸੋਨੀ (48) ਸਪੁੱਤਰ ਸ. ਜਸਵੰਤ ਸਿੰਘ ਅੱਜ ਸਵੇਰੇ 6.00 ਕੁ ਵਜੇ ਮਿਡਲ ਮੋਰ ਹਸਪਤਾਲ ਵਿਖੇ ਇਸ ਫ਼ਾਨੀ ਸੰਸਾਰ ਨੂੰ ਸਦਾ ਲਈ ਅਲਵਿਦਾ ਕਹਿ ਗਏ। ਸ. ਗੁਰਦੀਪ ਸਿੰਘ ਸੋਨੀ ਦਾ ਅੰਤਿਮ ਸੰਸਕਾਰ ਅੱਜ 20 ਅਕਤੂਬਰ ਦਿਨ ਵੀਰਵਾਰ ਬਾਅਦ ਦੁਪਹਿਰ 4.00 ਵਜੇ ਐਨਜ਼ ਫਿਊਨਰਲ ਹੋਮ ਵੀਰੀ (Anns Funeral Home, 11c Bolderwood Place, Wiri) ਵਿਖੇ ਕੀਤਾ ਜਾਵੇਗਾ। ਉਹ ਆਪਣੇ ਪਿੱਛੇ ਆਪਣਾ ਮਾਤਾ ਪਿਤਾ ਸ. ਜਸਵੰਤ ਸਿੰਘ-ਸ੍ਰੀਮਤੀ ਰਾਮ ਮੂਰਤੀ ਕੌਰ, ਆਪਣੀ ਪਤਨੀ ਸ੍ਰੀਮਤੀ ਪਰਮਿੰਦਰ ਕੌਰ, ਇੱਕ ਬੇਟਾ ਅਤੇ ਇੱਕ ਬੇਟੀ ਛੱਡ ਗਏ ਹਨ।
ਸ. ਗੁਰਦੀਪ ਸਿੰਘ ਸੋਨੀ ਸਿਸਟਮਾ ਪਲਾਸਟਿਕ ਕੰਪਨੀ ਦੇ ਵਿੱਚ ਮਸ਼ੀਨ ਔਪਰੇਟਰ ਵਜੋਂ ਕੰਮ ਕਰਦੇ ਸਨ। ਉਹ ਲਗਭਗ ਤਿੰਨ ਕੁ ਮਹੀਨਿਆਂ ਤੋਂ ਨਾ ਮੁਰਾਦ ਬਿਮਾਰੀ ਨਾਲ ਜੂਝ ਰਹੇ ਸਨ। ਸ. ਗੁਰਦੀਪ ਸਿੰਘ ਸੋਨੀ ਦੇ ਛੋਟੇ ਵੀਰ ਸ. ਗੁਰਜੀਤ ਸਿੰਘ ਟੌਰੰਗਾ, ਹਰਦੀਪ ਸਿੰਘ ਪਾਪਾਟੋਏਟੋਏ ਅਤੇ ਛੋਟੀ ਭੈਣ ਗੁਰਮੀਤ ਕੌਰ ਸਮੁੱਚੇ ਪਰਿਵਾਰਾਂ ਸਮੇਤ ਗਹਿਰੇ ਸਦਮੇ ਵਿੱਚ ਹਨ। ਸ. ਗੁਰਦੀਪ ਸਿੰਘ ਸੋਨੀ ਰਾਜਪੁਰਾ ਤੋਂ ਇੱਥੇ 2010 ਦੇ ਵਿੱਚ ਪਰਿਵਾਰ ਸਮੇਤ ਆਏ ਸਨ ਅਤੇ ਮਿਹਨਤ ਮਸ਼ੱਕਤ ਦੇ ਨਾਲ ਆਪਣਾ ਜੀਵਨ ਵਧੀਆ ਬਤੀਤ ਕਰ ਰਹੇ ਸਨ, ਪਰ ਅਚਨਚੇਤ ਇਕ ਬਿਮਾਰੀ ਨੇ ਘੇਰ ਲਿਆ ਅਤੇ ਜੀਵਨ ਦੇ ਇਸ ਸਫ਼ਰ ਦਾ ਮੋੜ ਉਸ ਪਾਸੇ ਘੁੰਮਾ ਦਿੱਤਾ ਜਿੱਥੋਂ ਕਦੇ ਕੋਈ ਵਾਪਸ ਨਹੀਂ ਆਇਆ। ਪਰਿਵਾਰ ਨੇ ਅਣਥੱਕ ਕੋਸ਼ਿਸ਼ਾਂ ਕੀਤੀਆਂ, ਸਿਹਤਯਾਬੀ ਹੋ ਜਾਵੇ, ਪਰ ਸਰੀਰਕ ਮਸ਼ੀਨਰੀ ਅੱਜ ਸਵੇਰੇ ਜਵਾਬ ਦੇ ਗਈ ਅਤੇ ਉਹ ਸਦਾ ਲਈ ਅੱਖਾਂ ਬੰਦ ਕਰ ਗਏ।
ਸ. ਗੁਰਦੀਪ ਸਿੰਘ ਸੋਨੀ ਪਾਪਾਟੋਏਟੋਏ ਨਿਵਾਸੀ ਸ. ਸੁਖਦੇਵ ਸਿੰਘ (ਗੇਟ ਗ੍ਰਿਲਾਂ ਵਾਲੇ) ਦੇ ਭਤੀਜੇ ਲਗਦੇ ਸਨ ਅਤੇ ਸ. ਮਦਨਜੀਤ ਸਿੰਘ ਹੋਰਾਂ ਦੇ ਵੱਡੇ ਸਾਲਾ ਸਾਹਿਬ ਲਗਦੇ ਸਨ। ਪਰਿਵਾਰ ਦੇ ਨਾਲ ਸੰਪਰਕ ਕਰਨ ਲਈ ਉਨ੍ਹਾਂ ਦੇ ਭਰਾਵਾਂ ਸ. ਗੁਰਜੀਤ ਸਿੰਘ ਟੌਰੰਗਾ ਨਾਲ ਫ਼ੋਨ ਨੰਬਰ 021793079, ਸ. ਹਰਦੀਪ ਸਿੰਘ ਪਾਪਾਟੋਏਟੋਏ ਨਾਲ ਫ਼ੋਨ ਨੰਬਰ 0212392631, ਜਾਂ ਫਿਰ ਸ. ਮਦਨਜੀਤ ਸਿੰਘ ਦੇ ਨਾਲ ਫ਼ੋਨ ਨੰਬਰ 021 793 081 ਜਾਂ ਸ. ਗੁਰਪ੍ਰੀਤ ਸਿੰਘ 021 503 362 ਹੋਰਾਂ ਦੇ ਨਾਲ ਫ਼ੋਨ ਨੰਬਰ ਉੱਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
