ਵੈਲਿੰਗਟਨ, 14 ਫਰਵਰੀ – ਸਰਕਾਰ ਵੱਲੋਂ ਕੋਵਿਡ -19 ਦੇ ਟੀਕੇ ਨੂੰ ਜ਼ਰੂਰੀ ਕਰਨ ਦੇ ਵਿਰੋਧ ਵਿੱਚ ਅੱਜ ਵੀ ਐਂਟੀ-ਮੈਨਡੇਟਰੀ ਪ੍ਰਦਰਸ਼ਨਕਾਰੀਆਂ ਵੱਲੋਂ ਸੰਸਦ ਦਾ ਘਿਰਾਓ ਜਾਰੀ ਹੈ।
ਸੈਂਕੜੇ ਪ੍ਰਦਰਸ਼ਨਕਾਰੀ ਸੋਮਵਾਰ ਦੀ ਸਵੇਰ ਨੂੰ ਸੰਸਦ ਦੇ ਮੈਦਾਨ ਵਿੱਚ ਡਟੇ ਰਹੇ, ਸਥਾਨਕ ਕਾਰੋਬਾਰਾਂ ਅਤੇ ਸਾਰੀਆਂ ਪਾਰਟੀਆਂ ਦੇ ਸਿਆਸਤਦਾਨਾਂ ਨੂੰ ਪਰੇਸ਼ਾਨ ਕਰ ਦਿੱਤਾ ਅਤੇ ਅਧਿਕਾਰੀਆਂ ਨਾਲ ਉਲਝਾਉਂਦੇ ਰਹੇ ਜੋ ਸੱਤ ਦਿਨਾਂ ਦੇ ਵਿਘਨ ਤੋਂ ਬਾਅਦ ਉਨ੍ਹਾਂ ਨੂੰ ਹਟਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਸੰਸਦ ਦਾ ਮੈਦਾਨ ਚਿੱਕੜ ਵਿੱਚ ਤਬਦੀਲ ਹੋ ਗਿਆ ਹੈ ਅਤੇ ਕੂੜੇ, ਤੰਬੂਆਂ ਨਾਲ ਢਕਿਆ ਹੋਇਆ ਹੈ। ਵੀਕਐਂਡ ‘ਤੇ ਮੀਂਹ ‘ਚ ਭਿੱਜਣ ਤੋਂ ਬਾਅਦ ਪਹਿਲੇ ਵਰਗਾ ਮਾਹੌਲ ਨਹੀਂ ਰਿਹਾ ਹੈ।
ਪ੍ਰਦਰਸ਼ਨਕਾਰੀਆਂ ਨੂੰ ਆਸ ਹੈ ਕਿ ਸੋਮਵਾਰ ਨੂੰ ਸੈਂਕੜਿਆਂ ਦੀ ਗਿਣਤੀ ਵਿੱਚ ਦੇਸ਼ ਭਰ ਤੋਂ ਹੋਰ ਲੋਕੀ ਵੀ ਆਉਣਗੇ, ਜੋ ਵੱਖ-ਵੱਖ ਕਾਰਣਾਂ ਦੀ ਨੁਮਾਇੰਦਗੀ ਕਰਦੇ ਹਨ, ਜੋ ਕੋਵਿਡ -19 ਟੀਕਿਆਂ ਜਾਂ ਵੈਕਸੀਨ ਦੇ ਹੁਕਮਾਂ ਦਾ ਵਿਰੋਧ ਕਰ ਰਹੇ ਹਨ, 1080 ਦੇ ਬਾਰੇ ‘ਚ ਨਾਰਾਜ਼ ਹਨ, ਗਵਾਹ ਸੁਰੱਖਿਆ ਯੋਜਨਾ ਅਤੇ ਤਿੰਨ ਪਾਣੀ ਰਿਫੋਰਮ ਦਾ ਵਿਰੋਧ ਕਰਦੇ ਹਨ।
ਪਾਰਲੀਮੈਂਟ ਤੋਂ ਇੱਕ ਕਿੱਲੋਮੀਟਰ ਤੋਂ ਵੀ ਘੱਟ ਦੂਰ ਥੋਰਡਨ ‘ਚ ਗ੍ਰਾਂਟ ਰੋਡੀ ਉੱਤੇ ਇੱਕ ਆਟੋ ਮਕੈਨਿਕ ਗੈਰੇਜ ਵਿੱਚ ਪ੍ਰਦਰਸ਼ਨਕਾਰੀਆਂ ਦੁਆਰਾ ਇੱਕ ਅਸਥਾਈ ਰਸੋਈ ਅਤੇ ਭੋਜਨ ਤਿਆਰ ਕਰਨ ਦਾ ਖੇਤਰ ਸਥਾਪਤ ਕੀਤਾ ਗਿਆ ਹੈ। ਕਈ ਬਾਰਬਿਕਯੂ ਚੱਲ ਰਹੇ ਹਨ ਅਤੇ ਹੋਰ ਖਾਣਾ ਪਕਾਉਣ ਦੇ ਲਈ ਤਿਆਰ ਕੀਤਾ ਜਾ ਰਿਹਾ ਹੈ।
ਖ਼ਬਰ ਮੁਤਾਬਿਕ ਸੋਮਵਾਰ ਦੁਪਹਿਰ ਨੂੰ ਭੋਜਨ ਨਾਲ ਭਰਿਆ ਇੱਕ ਟਰੱਕ ਵੀ ਬਾਹਰ ਖੜ੍ਹਾ ਸੀ। ਰਸੋਈ ਦਾ ਸੰਚਾਲਨ ਕਰਨ ਵਾਲੇ ਲੋਕਾਂ ਨੇ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਨੇ ਕਿਹਾ ਕਿ ਫੂਡ ਆਪ੍ਰੇਸ਼ਨ ਦਾ ਆਯੋਜਨ ਕਰਨ ਵਾਲਾ ਕੋਈ ਵੀ ਵਿਅਕਤੀ ਜਾਂ ਸਮੂਹ ਨਹੀਂ ਹੈ।
