ਵੈਲਿੰਗਟਨ, 26 ਫਰਵਰੀ (ਕੂਕ ਪੰਜਾਬੀ ਸਮਾਚਾਰ) – ਕੋਰੋਨਾਵਾਇਰਸ ਦੇ ਟੀਕੇ ਦੇ ਵਿਰੋਧ ਵਿੱਚ ਜਿੱਥੇ ਵੈਲਿੰਗਟਨ ਵਿਖੇ ਪਾਰਲੀਮੈਂਟ ਦੇ ਬਾਹਰ ਸਰਕਾਰ ਵੱਲੋਂ ਕੋਵਿਡ -19 ਟੀਕਾ ਜ਼ਰੂਰੀ ਲਗਾਉਣ ਦੇ ਹੁਕਮਾਂ ਵਿਰੁੱਧ ਐਂਟੀ-ਮੈਨਡੇਟ ਪ੍ਰਦਰਸ਼ਨਕਾਰੀਆਂ ਵੱਲੋਂ 19ਵੇਂ ਦਿਨ ਪ੍ਰਦਰਸ਼ਨ ਜਾਰੀ ਹੈ। ਜਿਸ ਨੂੰ ਲੈ ਕੇ ਵੈਲਿੰਗਟਨ ਵਿੱਚ ਤਣਾਅ ਵਧ ਰਿਹਾ ਹੈ। ਸੰਸਦ ਦੀਆਂ ਇਮਾਰਤਾਂ ਦੇ ਆਲੇ ਦੁਆਲੇ ਕਬਜ਼ੇ ਵਾਲੇ ਜ਼ੋਨ ਵਿੱਚ ਸ਼ਾਮਲ ਹੋਣ ਦੀ ਉਮੀਦ ਵਿੱਚ ਹਾਲ ਹੀ ਵਿੱਚ ਆਉਣ ਵਾਲੇ ਲੋਕਾਂ ਨੂੰ ਲੈ ਕੇ ਪ੍ਰਦਰਸ਼ਨਕਾਰੀਆਂ ਅਤੇ ਪੁਲਿਸ ਵਿੱਚ ਝੜਪ ਹੋਈ ਹੈ। ਕਿਹਾ ਜਾ ਰਿਹਾ ਹੈ ਕਿ ਵੀਕਐਂਡ ‘ਤੇ ਪ੍ਰਦਰਸ਼ਨਕਾਰੀਆਂ ਦੀ ਗਿਣਤੀ ਦੇ ਵਧਣ ਦੀ ਆਸ ਹੈ। ਸੰਸਦ ਦੀ ਇਮਾਰਤਾਂ ਦੇ ਆਲੇ ਦੁਆਲੇ ਕਬਜ਼ੇ ਵਾਲੇ ਜ਼ੋਨ ਵਿੱਚ ਸ਼ਾਮਲ ਹੋਣ ਦੀ ਉਮੀਦ ਵਿੱਚ ਹਾਲ ਹੀ ਵਿੱਚ ਆਉਣ ਵਾਲੇ ਲੋਕਾਂ ਨੂੰ ਲੈ ਕੇ ਪ੍ਰਦਰਸ਼ਨਕਾਰੀਆਂ ਅਤੇ ਪੁਲਿਸ ਵਿਚਾਲੇ ਝੜਪਾਂ ਜਾਰੀ ਹਨ।
ਪੁਲਿਸ ਵੱਲੋਂ ਇੱਕ ਲਾਈਨ ਬਣਾ ਕੇ ਬੱਸ ਇੰਟਰਚੇਂਜ ਖੇਤਰ ਵਿੱਚ ਪਹੁੰਚ ਤੋਂ ਰੋਕਿਆ ਜਾ ਰਿਹਾ ਹੈ, ਜਦੋਂ ਕਿ ਪ੍ਰਦਰਸ਼ਨਕਾਰੀਆਂ ਨੇ ਪੁਲਿਸ ਵੱਲ ਮੁੜ ਕੇ ਆਪਣੀ ਲਾਈਨ ਬਣਾ ਲਈ। ਅੱਜ ਕਬਜ਼ੇ ਵਾਲੇ ਜ਼ੋਨ ਰਾਹੀਂ ਪੈਦਲ ਆਵਾਜਾਈ ਵਿੱਚ ਕਾਫ਼ੀ ਵਾਧਾ ਹੋਇਆ ਹੈ। ਇੱਕ ਫੋਰਕਲਿਫਟ ਨੇ ਕਬਜ਼ੇ ਵਾਲੇ ਜੈੱਡ ਤੱਕ ਪਹੁੰਚ ਨੂੰ ਰੋਕਣ ਵਾਲੀ ਨਾਕਾਬੰਦੀ ਨੂੰ ਸਖ਼ਤ ਕਰਨ ਦੇ ਯਤਨ ਵਿੱਚ ਕੰਕਰੀਟ ਦੇ ਬੋਲਾਰਡਾਂ ਨੂੰ ਸ਼ਿਫ਼ਟ ਕਰਕੇ ਬੱਸ ਇੰਟਰਚੇਂਜ ਵੱਲ ਆਪਣਾ ਰਸਤਾ ਬਣਾ ਲਿਆ। ਪਰ ਪੁਲਿਸ ਨੇ ਉਸ ਥਾਂ ‘ਤੇ ਨਵਾਂ ਕੰਕਰੀਟ ਬੋਲਾਰਡ ਲੱਗਾ ਦਿੱਤਾ।
ਵਿਰੋਧ ਪ੍ਰਦਰਸ਼ਨ ਵਾਲੀ ਥਾਂ ‘ਤੇ ਵਿਆਹ ਸਮਾਗਮ ਹੋਇਆ
ਅੱਜ ਬਹੁਤ ਹੀ ਵਧੀਆਂ ਨਜ਼ਾਰਾ ਸੰਸਦ ਦੇ ਵਿਰੋਧ ਪ੍ਰਦਰਸ਼ਨ ਵਾਲੀ ਥਾਂ ‘ਤੇ ਵੇਖਣ ਨੂੰ ਦਿਸਿਆ ਜਦੋਂ ਇੱਕ ਜੋੜੇ ਦਾ ਵਿਆਹ ਸੰਸਦ ਦੇ ਬਾਹਰ ਐਂਟੀ-ਮੈਨਡੇਟ ਵਿਰੋਧੀ ਪ੍ਰਦਰਸ਼ਨ ਵਿੱਚ ਹੋਇਆ, ਜਿਸ ਵਿੱਚ ਜ਼ਾਮਨੀ ਰਿਬਨ ਨਾਲ ਸਜਾਏ ਗਏ ਮੁੱਖ ਸਟੇਜ ‘ਤੇ ਸਮਾਰੋਹ ਦੇਖਣ ਲਈ ਭੀੜ ਵਧੀ। ਲਾੜੀ ਨੇ ਚਿੱਟੇ ਰੰਗ ਦਾ ਲੰਬਾ ਪਹਿਰਾਵਾ ਪਾਇਆ ਹੋਇਆ ਸੀ ਅਤੇ ਫੁੱਲਾਂ ਦਾ ਗੁਲਦਸਤਾ ਫੜਿਆ ਹੋਇਆ ਸੀ। ਜਿਵੇਂ ਹੀ ਜੋੜੇ ਨੂੰ ਪਤੀ-ਪਤਨੀ ਵਜੋਂ ਐਲਾਨਿਆ ਗਿਆ, ਇਕੱਠ ਨੇ ਤਾੜੀਆਂ ਨਾਲ ਸਵਾਗਤ ਕੀਤਾ ਅਤੇ ਲੋਕ ਤਾੜੀਆਂ ਮਾਰ ਰਹੇ ਅਤੇ ਨੱਚ ਰਹੇ ਸਨ।
