ਵੈਲਿੰਗਟਨ, 26 ਅਗਸਤ – ਨਿਊਜ਼ੀਲੈਂਡ ‘ਚ ਕੋਵਿਡ -19 ਦੇ ਕਮਿਊਨਿਟੀ ਨਾਲ ਸੰਬੰਧਿਤ ਅੱਜ 68 ਹੋਰ ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਇਸ ਨਾਲ ਮੌਜੂਦਾ ਆਕਲੈਂਡ ਕਮਿਊਨਿਟੀ ਦੇ ਤਾਜ਼ਾ ਪ੍ਰਕੋਪ ਨਾਲ ਜੁੜੇ ਮਾਮਲਿਆਂ ਦੀ ਕੁੱਲ ਗਿਣਤੀ 277 ਹੋ ਗਈ ਹੈ।
ਕ੍ਰਾਈਸਟਚਰਚ ਦੇ ਗੰਦੇ ਪਾਣੀ ਵਿੱਚ ਵੀ ਕੋਵਿਡ -19 ਦਾ ਪਤਾ ਲਗਾਇਆ ਗਿਆ ਹੈ, ਹਾਲਾਂਕਿ ਪਬਲਿਕ ਹੈਲਥ ਦੀ ਡਾਇਰੈਕਟਰ ਡਾਕਟਰ ਕੈਰੋਲੀਨ ਮੈਕਲਨੇ ਨੇ ਦੱਸਿਆ ਕਿ ਸ਼ਹਿਰ ਵਿੱਚ ਮੈਨੇਜਡ ਆਈਸੋਲੇਸ਼ਨ ਕਰਨ ਦੇ ਤਿੰਨ ਸਰਗਰਮ ਮਾਮਲੇ ਸਨ। ਉਸ ਨੇ ਕਿਹਾ ਕਿ ਲਗਭਗ ਹਰ ਦੂਸਰੇ ਗੰਦੇ ਪਾਣੀ ਦੇ ਕੈਚਮੈਂਟਾਂ ਦੇ ਨਮੂਨੇ ਨਕਾਰਾਤਮਿਕ ਸਨ। ਵੈਲਿੰਗਟਨ ਵਿੱਚ ਕੋਵਿਡ -19 ਦਾ ਸਿਰਫ਼ ਮੂਰ ਪੁਆਇੰਟ ‘ਤੇ ਹੀ ਪਤਾ ਲਗਾਇਆ ਜਾ ਰਿਹਾ ਹੈ, ਕੱਲ੍ਹ ਤੋਂ ਆਕਲੈਂਡ ਦੇ ਗੰਦੇ ਪਾਣੀ ਤੋਂ ਕੋਈ ਨਵਾਂ ਨਤੀਜਾ ਸਾਹਮਣੇ ਨਹੀਂ ਆਇਆ ਹੈ। ਉਨ੍ਹਾਂ ਨੇ ਵੀਰਵਾਰ ਨੂੰ ਦੱਸਿਆ ਕਿ ਦੇਸ਼ ਭਰ ਵਿੱਚ ਗੰਦੇ ਪਾਣੀ ਦੀ ਜਾਂਚ ਲਈ 90 ਤੋਂ ਵੱਧ ਟੈੱਸਟ ਕੀਤੇ ਗਏ ਸਨ, ਜਿਸ ਵਿੱਚ ਦੇਸ਼ ਭਰ ‘ਚੋਂ 3.8 ਮਿਲੀਅਨ ਲੋਕ ਸ਼ਾਮਲ ਸਨ।
ਪਬਲਿਕ ਹੈਲਥ ਦੀ ਡਾਇਰੈਕਟਰ ਡਾਕਟਰ ਕੈਰੋਲੀਨ ਮੈਕਲਨੇ ਨੇ ਅੱਜ ਪ੍ਰੈੱਸ ਕਾਨਫ਼ਰੰਸ ਵਿੱਚ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਅੱਜ ਦੇ ਆਏ 68 ਨਵੇਂ ਕੇਸਾਂ ‘ਚੋਂ 2 ਕੇਸ ਵੈਲਿੰਗਟਨ ਦਾ ਹੈ ਅਤੇ ਬਾਕੀ ਸਾਰੇ 66 ਕੇਸ ਆਕਲੈਂਡ ਵਿੱਚੋਂ ਆਏ ਹੈ। ਇਸ ਨਾਲ ਕਮਿਊਨਿਟੀ ਵਿੱਚ ਕੁੱਲ ਗਿਣਤੀ 277 ਹੋ ਗਈ ਹੈ। ਇਨ੍ਹਾਂ ਵਿੱਚੋਂ 263 ਆਕਲੈਂਡ ਵਿੱਚ ਅਤੇ 14 ਵੈਲਿੰਗਟਨ ਵਿੱਚ ਹਨ। ਕੋਵਿਡ -19 ਦੇ ਨਾਲ ਹਸਪਤਾਲ ਵਿੱਚ 15 ਲੋਕ ਹਨ, ਜਿਨ੍ਹਾਂ ਵਿੱਚੋਂ 3 ਨੌਰਥ ਸ਼ੋਰ ਹਸਪਤਾਲ, 7 ਮਿਡਲਮੋਰ ਅਤੇ 5 ਆਕਲੈਂਡ ਸਿਟੀ ਹਸਪਤਾਲ ਵਿੱਚ ਹਨ।
ਮੈਕਲਨੇ ਨੇ ਕਿਹਾ ਕਿ ਕਲੱਸਟਰ ਨਾਲ ਜੁੜੇ ਸੰਪਰਕਾਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ, ਵੀਰਵਾਰ ਸਵੇਰ ਤੱਕ 24,402 ਵਿਅਕਤੀਗਤ ਸੰਪਰਕਾਂ ਦੀ ਰਸਮੀ ਤੌਰ ‘ਤੇ ਪਛਾਣ ਕੀਤੀ ਗਈ। ਇਨ੍ਹਾਂ ਵਿੱਚੋਂ 66% ਦਾ ਸੰਪਰਕ ਟਰੇਸਰਾਂ ਦੁਆਰਾ ਕੀਤਾ ਗਿਆ ਹੈ ਪਰ ਲਗਭਗ 8,000 ਅਜੇ ਵੀ ਲੱਭੇ ਜਾ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਸਾਰੇ ਸੰਪਰਕਾਂ ਵਿੱਚੋਂ ਤਕਰੀਬਨ 71% ਦੀ ਜਾਂਚ ਹੋ ਚੁੱਕੀ ਹੈ ਅਤੇ ਬਾਕੀ ਦੀ ਅਧਿਕਾਰੀਆਂ ਵੱਲੋਂ ਫਾਲੋਅੱਪ ਕੀਤੀ ਜਾ ਰਿਹਾ ਹੈ।
ਬੁੱਧਵਾਰ ਨੂੰ ਫਿਰ ਤੋਂ ਫਾਈਜ਼ਰ ਕੋਵਿਡ -19 ਦੇ ਟੀਕੇ ਦੀਆਂ ਰਿਕਾਰਡ ਖ਼ੁਰਾਕਾਂ ਵੇਖੀਆਂ ਗਈਆਂ, ਜਿਸ ਵਿੱਚ 87,770 ਤੋਂ ਵੱਧ ਖ਼ੁਰਾਕਾਂ ਦਿੱਤੀਆਂ ਗਈਆਂ। ਨਿਊਜ਼ੀਲੈਂਡ ਨੇ ਅੱਜ ਤੱਕ ਦਿੱਤੀ ਗਈ ਵੈਕਸੀਨ ਦੀਆਂ 3 ਮਿਲੀਅਨ ਖ਼ੁਰਾਕਾਂ ਦੇ ਨਾਲ ਇੱਕ ਹੋਰ ਮਹੱਤਵਪੂਰਨ ਉਪਲਬਧੀ ਹਾਸਿਲ ਕੀਤੀ ਹੈ।
ਪ੍ਰਧਾਨ ਮੰਤਰੀ ਜੈਸਿੰਡਾ ਆਰਡਰਨ ਨੇ ਕਿਹਾ ਕਿ ਸੁਪਰਮਾਰਕੀਟ ਕਰਮਚਾਰੀ ਕਿਸੇ ਹੋਰ ਵਿਅਕਤੀ ਦੁਆਰਾ ਆਪਣੇ ਕੰਮ ਵਾਲੀ ਥਾਂ ਦੀ ਬਜਾਏ ਕਲੱਸਟਰ ਵਿੱਚ ਹੀ ਸੰਕਰਮਿਤ ਹੋਇਆ ਸੀ। ਆਰਡਰਨ ਨੇ ਕਿਹਾ ਕਿ ਕੁੱਲ ਮਿਲਾ ਕੇ, ਨਿਊਜ਼ੀਲੈਂਡ ਕੱਲ੍ਹ ਦੇ ਸਮਾਨ ਸਥਾਨ ‘ਤੇ ਹੈ, ਉਨ੍ਹਾਂ ਨੇ ਕਿਹਾ ਨੰਬਰ ਅਨਐਕਪੈਕਟਿਡ ਨਹੀਂ ਹਨ। ਕੱਲ੍ਹ ਲੌਗ ਕੀਤੇ ਗਏ 60 ਤੋਂ ਵੱਧ ਮਾਮਲਿਆਂ ਵਿੱਚੋਂ ਸਿਰਫ਼ ਤਿੰਨ ਨੇ ਨਵੇਂ ਐਕਸਪੋਜ਼ਰ ਇਵੈਂਟਸ ਦੀ ਰਿਪੋਰਟ ਕੀਤੀ। ਆਰਡਰਨ ਨੇ ਕਿਹਾ ਕਿ 37 ਕੇਸ ਉਨ੍ਹਾਂ ਘਰਾਂ ਦੇ ਅੰਦਰ ਹਨ ਜਿਨ੍ਹਾਂ ਕੋਲ ਪਹਿਲਾਂ ਹੀ ਕੇਸ ਸੀ। ਕੱਲ੍ਹ ਰਿਪੋਰਟ ਕੀਤੇ ਗਏ 60+ ਮਾਮਲਿਆਂ ਵਿੱਚੋਂ, 16 ਜਾਂਚ ਅਧੀਨ ਹਨ। 400 ਤੋਂ ਵੱਧ ਦਿਲਚਸਪੀ ਵਾਲੇ ਸਥਾਨਾਂ ਦੀ ਰਿਪੋਰਟ ਕੀਤੀ ਗਈ, 13 ਥਾਵਾਂ ਨੇ ਇਸ ਵੇਲੇ ਵਾਧੂ ਮਾਮਲੇ ਪੈਦਾ ਕੀਤੇ ਹਨ।
