ਮੈਨੁਰੇਵਾ, 29 ਅਪ੍ਰੈਲ – ਇੱਥੇ ਸਥਿਤ ਗੁਰਦੁਆਰਾ ਨਾਨਕਸਰ ਠਾਠ ਈਸ਼ਰ ਦਰਬਾਰ ਤੋਂ 30 ਅਪ੍ਰੈਲ ਦਿਨ ਸ਼ਨੀਵਾਰ ਨੂੰ ਖਾਲਸਾ ਸਾਜਨਾ ਦਿਵਸ ਦੇ ਸੰਬੰਧ ‘ਚ ਵਿਸ਼ਾਲ ਨਗਰ ਕੀਰਤਨ ਬੜੇ ਸ਼ਰਧਾ ਅਤੇ ਉਤਸ਼ਾਹ ਨਾਲ ਸਜਾਇਆ ਜਾਏਗਾ।
ਪ੍ਰੋਗਰਾਮ ਹੇਠ ਲਿਖੇ ਵੇਰਵਾ ਅਨੁਸਾਰ ਹੋਵੇਗਾ :-
ਗੁਰਦੁਆਰਾ ਸਾਹਿਬ ਵਿਖੇ 30 ਅਪ੍ਰੈਲ ਨੂੰ ਨਗਰ ਕੀਰਤਨ ਦੀ ਰਵਾਨਗੀ ਅਰਦਾਸ ਸਵੇਰੇ 11.45 ਵਜੇ
ਨਗਰ ਕੀਰਤਨ ਆਰੰਭ ਦੁਪਹਿਰ 12.00 ਅਤੇ ਸਮਾਪਤੀ ਦੁਪਹਿਰ 2.00 ਵਜੇ
ਨਗਰ ਕੀਰਤਨ ਦਾ ਰੂਟ : ਗੁਰਦੁਆਰਾ ਨਾਨਕਸਰ ਠਾਠ ਈਸ਼ਰ ਦਰਬਾਰ ਮੈਨੁਰੇਵਾ ਤੋਂ ਗ੍ਰੇਟ ਸਾਊਥ ਰੋਡ ‘ਤੇ ਨੌਰਥ ਵਾਲੇ ਪਾਸੇ, ਬ੍ਰਾਊਨਸ ਰੋਡ ਤੋਂ ਖੱਬੇ ਪਾਸੇ ਮੁੜੇਗਾ, ਮੁੜ ਮੈਚ ਰੋਡ ਦੇ ਖੱਬੇ ਪਾਸੇ ਵੱਲ ਨੂੰ ਜਾਏਗਾ, ਕੋਰੀਨ ਐਵਿਨਿਊ ਤੋਂ ਖੱਬੇ ਪਾਸੇ ਮੁੜ ਕੇ ਮੁੜ ਖੱਬੇ ਪਾਸੇ ਗ੍ਰੇਟ ਸਾਊਥ ਰੋਡ ਤੋਂ ਹੰਦਾ ਹੋਇਆ ਨਗਰ ਕੀਰਤਨ ਗੁਰਦੁਆਰਾ ਨਾਨਕਸਰ ਠਾਠ ਈਸ਼ਰ ਦਰਬਾਰ ਵਿਖੇ ਪਹੁੰਚ ਕੇ ਸਮਾਪਤ ਹੋਵੇਗਾ ਅਤੇ ਸੰਪੂਰਨਤਾ ਦੀ ਅਰਦਾਸ ਹੋਵੇਗੀ।
ਗੁਰਦੁਆਰਾ ਨਾਨਕਸਰ ਠਾਠ ਈਸ਼ਰ ਦਰਬਾਰ ਦੇ ਪ੍ਰਬੰਧਕਾਂ ਵੱਲੋਂ ਸਮੂਹ ਸੰਗਤਾਂ ਨੂੰ ਬੇਨਤੀ ਹੈ ਕਿ ਖਾਲਸਾ ਸਾਜਨਾ ਦਿਵਸ ਦੇ ਸੰਬੰਧ ਵਿੱਚ ਸਜਾਏ ਜਾ ਰਹੇ ਵਿਸ਼ਾਲ ਨਗਰ ਕੀਰਤਨ ਵਿੱਚ ਸ਼ਾਮਿਲ ਹੋ ਕੇ ਗੁਰਬਾਣੀ ਸਿਮਰਨ ਕਰੋ ਅਤੇ ਗੁਰੂ ਮਹਾਰਾਜ ਜੀ ਦੀ ਖ਼ੁਸ਼ੀਆਂ ਪ੍ਰਾਪਤ ਕਰੋ।
