ਟੋਕੀਓ, 2 ਅਗਸਤ – ਟੋਕੀਓ ਉਲੰਪਿਕ ਵਿੱਚ ਇਤਿਹਾਸ ਰਚਦਿਆਂ ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਸ਼ਾਨਦਾਰ ਖੇਡ ਵਿਖਾਉਂਦਿਆਂ ਤਿੰਨ ਵਾਰ ਦੀ ਉਲੰਪਿਕ ਜੇਤੂ ਆਸਟਰੇਲੀਆ ਟੀਮ ਨੂੰ 1-0 ਗੋਲ ਨਾਲ ਹਰਾ ਦਿੱਤਾ ਅਤੇ ਉਲੰਪਿਕ ਦੇ ਸੈਮੀ-ਫਾਈਨਲ ਵਿੱਚ ਆਪਣੀ ਜਗ੍ਹਾ ਪੱਕੀ ਕੀਤੀ। ਭਾਰਤ ਵੱਲੋਂ ਗੁਰਜੀਤ ਕੌਰ ਨੇ ਦੂਜੇ ਕੁਆਟਰ ਦੇ 6 ਮਿੰਟ ‘ਚ ਮਿਲੇ ਪੈਨਲਟੀ ਕਾਰਨਰ ਰਾਹੀ ਇਕਲੌਤਾ ਗੋਲ ਕੀਤਾ। ਗੌਰਤਲਬ ਹੈ ਕਿ ਗੁਰਜੀਤ ਕੌਰ ਦਾ ਇਹ ਨੇ ਉਲੰਪਿਕ ਵਿੱਚ ਪਹਿਲਾ ਗੋਲ ਸੀ, ਜਿਸ ਨਾਲ ਭਾਰਤ ਨੂੰ ਸੈਮੀ-ਫਾਈਨਲ ਵਿੱਚ ਥਾਂ ਮਿਲੀ। ਇੱਥੇ ਜ਼ਿਕਰਯੋਗ ਹੈ ਕਿ ਭਾਰਤੀ ਮਹਿਲਾ ਹਾਕੀ ਟੀਮ ਉਲੰਪਿਕ ਵਿੱਚ ਪਹਿਲੀ ਵਾਰ ਸੈਮੀ ਫਾਈਨਲ ਵਿੱਚ ਪੁੱਜੀ ਹੈ।
