ਸੈਕਰਾਮੈਂਟੋ, 24 ਮਾਰਚ (ਹੁਸਨ ਲੜੋਆ ਬੰਗਾ) – ਲਾਸ ਏਂਜਲਸ ‘ਚ ਹੋਈ ਸਲਾਨਾ ਮੈਰਾਥਨ ਦੌੜ ਵਿੱਚ ਦਰਬਾਰਾ ਸਿੰਘ ਪਿੰਡ ਪੰਡਵਾਲਾ (ਡੇਰਾ ਬੱਸੀ) ਜੋ ਅੱਜ ਕੱਲ੍ਹ ਅਮਰੀਕਾ ਦੇ ਸ਼ਹਿਰ ਲਾਸ ਏਂਜਲਸ ਵਿੱਚ ਗੁਰਦੁਆਰਾ ਸ਼੍ਰੀ ਗੁਰੂ ਸਿੰਘ ਸਭਾ (ਬਿਉਨਾ ਪਾਰਕ) ਵਿਖੇ ਢਾਡੀ ਸੰਦੀਪ ਸਿੰਘ ਲੁਹਾਰਾ ਦੇ ਢਾਡੀ ਜੱਥੇ ਵਿੱਚ ਬਤੌਰ ਸਾਰੰਗੀ ਮਾਸਟਰ ਹੋਣ ਦੇ ਨਾਲ-ਨਾਲ ਖੇਡਾਂ ਵਿੱਚ ਵੀ ਰੁਚੀ ਰੱਖ ਦੇ ਹੋਣ ਕਰਕੇ ਮੈਰਾਥਨ ਦੌੜ ਹਿੱਸਾ ਲਿਆ। ਢਾਡੀ ਸੰਦੀਪ ਸਿੰਘ ਲੁਹਾਰਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਲਾਸ ਏਂਜਲਸ ‘ਚ ਹੋਈ ਸਲਾਨਾ ਮੈਰਾਥਨ ਦੌੜ ਵਿੱਚ ਦਰਬਾਰਾ ਸਿੰਘ ਨੇ ਭਾਗ ਲਿਆ ਤੇ ਤਕਰੀਬਨ 26.2 ਮੀਲ (40 ਕਿੱਲੋਮੀਟਰ) ਦੀ ਦੌੜ 4 ਘੰਟੇ 10 ਮਿੰਟ ਵਿੱਚ ਸਮਾਪਤ ਕਰਕੇ ਰਿਕਾਰਡ ਕਾਇਮ ਕੀਤਾ ਹੈ। ਸਿੱਖੀ ਬਾਣੇ ‘ਚ ਹੋਣ ਕਰਕੇ ਇਸ ਦਾ ਦੂਸਰੇ ਭਾਈਚਾਰੇ ਚ ਕਾਫ਼ੀ ਪ੍ਰਭਾਵ ਗਿਆ ਤੇ ਸਾਨੂੰ ਇਹੋ ਜਿਹੇ ਸਿਰੜੀ ਤੇ ਹਿੰਮਤੀ ਬੰਦਿਆਂ ਤੇ ਹਮੇਸ਼ਾ ਮਾਣ ਹੈ। ਦਰਬਾਰਾ ਸਿੰਘ ਤਕਰੀਬਨ 51 ਸਾਲ ਦੀ ਉਮਰ ਦੇ ਹਨ ਜੋ ਹਰ ਰੋਜ਼ ਪੰਦਰਾਂ ਤੋਂ ਵੀਹ ਮੀਲ ਦੀ ਦੌੜ ਲਾ ਕੇ ਸਿਹਤ ਨੂੰ ਤੰਦਰੁਸਤ ਰੱਖਣ ਦਾ ਸੰਦੇਸ਼ ਦਿੰਦੇ ਹਨ।
