ਸਿੱਖ ਸਪੋਰਟਸ ਕੰਪਲੈਕਸ ਟਾਕਾਨੀਨੀ ਵਿਖੇ 8 ਦਸੰਬਰ ਨੂੰ 6 ਦੇਸਾਂ ਦੀਆਂ ਟੀਮਾਂ ‘ਚ ਫਸਵੇਂ ਮੁਕਾਬਲੇ ਹੋਣਗੇ
ਟਾਕਾਨੀਨੀ, 30 ਨਵੰਬਰ – ਸਿੱਖ ਸਪੋਰਟਸ ਕੰਪਲੈਕਸ ਟਾਕਾਨੀਨੀ ਵਿਖੇ 8 ਦਸੰਬਰ ਨੂੰ ਦੂਜਾ ਕਬੱਡੀ ਵਰਲਡ ਕੱਪ ਕਰਵਾਇਆ ਜਾ ਰਿਹਾ ਹੈ। ਇਸ ਦੇ ਸੰਬੰਧ ‘ਚ 24 ਨਵੰਬਰ ਨੂੰ ਟਾਕਾਨੀਨੀ ਗੁਰੂਘਰ ਦੇ ਸਿੱਖ ਸਪੋਰਟਸ ਕੰਪਲੈਕਸ ‘ਚ ਪ੍ਰਬੰਧਕਾਂ ਵੱਲੋਂ ਪੋਸਟਰ ਜਾਰੀ ਕੀਤਾ ਗਿਆ।
ਦੂਜੇ ਕਬੱਡੀ ਵਰਲਡ ਕੱਪ ਵਿੱਚ ਵਿਸ਼ਵ ਦੇ 6 ਦੇਸਾਂ ਦੀਆਂ ਟੀਮਾਂ ਆਪਸ ਵਿੱਚ ਭਿੜਨਗੀਆਂ ਅਤੇ ਵੱਖ-ਵੱਖ ਦੇਸ਼ਾਂ ਤੋਂ ਆਉਣ ਵਾਲੇ ਕਬੱਡੀ ਦੇ ਚੋਟੀ ਦੇ ਖਿਡਾਰੀ ਆਪਣੀ ਖੇਡ ਦਾ ਮੁਜ਼ਾਹਰਾ ਕਰਨਗੇ।
ਇਹ ਦੂਜਾ ਕਬੱਡੀ ਵਰਲਡ ਕੱਪ ਸੁਪਰੀਮ ਸਿੱਖ ਸੋਸਾਇਟੀ, ਕਬੱਡੀ ਫੈਡਰੇਸ਼ਨ ਆਫ਼ ਨਿਊਜ਼ੀਲੈਂਡ, ਸਪੋਰਟਸ ਟੀਮ ਅਤੇ ਯੂਥ ਦੀ ਟੀਮ ਵੱਲੋਂ ਕਰਵਾਇਆ ਜਾ ਰਿਹਾ ਹੈ।
