ਵੈਲਿੰਗਟਨ, 30 ਅਪ੍ਰੈਲ – ਡਾਇਰੈਕਟਰ ਜਨਰਲ ਆਫ਼ ਹੈਲਥ ਐਸ਼ਲੇ ਬਲੂਮਫੀਲਡ ਨੇ ਕਿਹਾ ਕਿ ਕੋਵਿਡ -19 ਦੇ 3 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਉਨ੍ਹਾਂ ਕਿਹਾ ਕਿ ਨਿਊਜ਼ੀਲੈਂਡ ‘ਚ ਸਿੰਗਲ-ਡਿਜੀਟ ਕੋਰੋਨਾਵਾਇਰਸ ਦੇ ਕੇਸਾਂ ਦਾ ਸਿੱਧਾ 12ਵਾਂ ਦਿਨ ਹੈ। ਜਿਸ ਨਾਲ ਦੇਸ਼ ਵਿੱਚ ਕੋਵਿਡ -19 ਦੇ ਕੁੱਲ 1,476 ਕੇਸ ਹਨ। ਕੋਰੋਨਾ ਨਾਲ ਅੱਗੇ ਹਾਲੇ ਕੋਈ ਮੌਤ ਨਹੀਂ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਦੁਪਹਿਰ ਤੱਕ 84% ਕੇਸ ਰਿਕਵਰ ਹੋਏ ਹਨ।
ਪ੍ਰਧਾਨ ਮੰਤਰੀ ਜੈਸਿੰਡਾ ਆਰਡਰਨ ਨੇ ਕਿਹਾ ਕਿ ਅਰਥ ਵਿਵਸਥਾ ਦਾ 75% ਹਿੱਸਾ ਕੰਮ ਕਰ ਰਿਹਾ ਹੈ, ਪਰ ਇਹ ਲੋਕਾਂ ਦੀ ਜ਼ਿੰਮੇਵਾਰੀ ਬਣਦੀ ਹੈ ਕਿ ਉਹ ਸਰੀਰਕ ਦੂਰੀ ਬਣਾਏ ਰੱਖਣ। ਆਡਰਨ ਨੇ ਦੁਬਾਰਾ ਕਿਹਾ ਕਿ ਲੈਵਲ 3 ‘ਵੇਟਿੰਗ ਰੂਮ’ ਸੀ। ਅਗਲੇ ਅਲਰਟ ਲੈਵਲ ‘ਤੇ ਜਾਣ ਦੇ ਮਾਮਲੇ ਵਿੱਚ, ਸਰਕਾਰ ਵਾਇਰਸ ਨੂੰ ਕਾਬੂ ਵਿੱਚ ਰੱਖਣ ‘ਤੇ ਬਹੁਤ ਧਿਆਨ ਕੇਂਦਰਿਤ ਕਰੇਗੀ। ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ ਕਿ ਜੇ ਨਿਊਜ਼ੀਲੈਂਡ ਬਹੁਤ ਤੇਜ਼ੀ ਨਾਲ ਲੈਵਲ 3 ‘ਤੇ ਅੱਗੇ ਵਧ ਜਾਂਦਾ ਹੈ, ਤਾਂ ਦੂਜੀ ਲਹਿਰ ਦਾ ਵੱਧ ਖ਼ਤਰਾ ਹੋ ਸਕਦਾ ਹੈ। ਇਹ ਸਾਡੀ ਆਰਥਿਕਤਾ ਲਈ ਭਿਆਨਕ ਹੋਵੇਗਾ।
ਬਲੂਮਫੀਲਡ ਨੇ ਕਿਹਾ ਕਿ ਸਰਕਾਰ ਕਾਰੋਬਾਰਾਂ ਦੀ ਸਰੀਰਕ ਦੂਰੀ ‘ਤੇ ਵੀ ਸਖ਼ਤ ਨਜ਼ਰ ਰੱਖੇਗੀ, ਜਦੋਂ ਇਹ ਲੈਵਲ 2 ‘ਤੇ ਜਾਣ ਬਾਰੇ ਫ਼ੈਸਲੇ ਦੀ ਗੱਲ ਆਉਂਦੀ ਹੈ। ਦੇਸ਼ ਨੂੰ ਹੇਠਾਂ ਲੈਵਲ 2 ‘ਤੇ ਜਾਣ ਤੋਂ ਪਹਿਲਾਂ ਸਰਕਾਰ ਨੂੰ ‘ਜ਼ੀਰੋ’ ਨਵੇਂ ਕੇਸਾਂ ਨੂੰ ਵੇਖਣ ਦੀ ਜ਼ਰੂਰਤ ਨਹੀਂ ਹੋਵੇਗੀ।
ਪ੍ਰਧਾਨ ਮੰਤਰੀ ਆਰਡਰਨ ਨੇ ਕਿਹਾ ਕਿ ਇਹ ਵੀ ਮਹੱਤਵ ਰੱਖਦਾ ਹੈ ਕਿ ਕੇਸ ਕਿੱਥੇ ਆ ਰਹੇ ਹਨ। ਅਲਰਟ ਲੈਵਲ 2 ‘ਤੇ, ਸਰਕਾਰ ਦੇ ਲਈ ਇੱਕ ਵੱਡਾ ਧਿਆਨ ਵਿਸ਼ਾਲ ਇਕੱਠ ਹੋਣਗੇ। ਉਨ੍ਹਾਂ ਲੋਕਾਂ ਨੂੰ ਕਿਹਾ ਕਿ ਉਹ ਸਮੂਹਕ ਇਕੱਠਾਂ ਦੇ ਦੌਰਾਨ ਸੀਮਾਵਾਂ ‘ਚ ਰਹਿਣ ਦੀ ਉਮੀਦ ਕਰਦੇ ਹਨ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਟ੍ਰਾਂਸ-ਤਸਮਾਨ ਬੁਲਬੁਲਾ ਨੂੰ ਅਮਲ ਵਿੱਚ ਲਿਆਉਣ ਤੋਂ ਪਹਿਲਾਂ ਬਹੁਤ ਸਾਰਾ ਕੰਮ ਕੀਤਾ ਜਾਣਾ ਹੈ। ਪਰ ਉਨ੍ਹਾਂ ਨੇ ਕਿਹਾ ਕਿ ਉਹ ਇਸ ਬਾਰੇ ਬਕਾਇਦਾ ਆਸਟਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕਾਟ ਮੌਰਿਸਨ ਨਾਲ ਗੱਲ ਕਰ ਰਹੀ ਹੈ।
ਪ੍ਰਧਾਨ ਮੰਤਰੀ ਆਰਡਰਨ ਨੇ ਕਿਹਾ ਕਿ ਕਾਰੋਬਾਰਾਂ ਦੇ ਪੱਧਰ ਦੇ ਨਿਯਮਾਂ ਦੀ ਉਲੰਘਣਾ ਦੇ ਬਾਰੇ ਵਿੱਚ 1035 ਸ਼ਿਕਾਇਤਾਂ ਆਈਆਂ ਹਨ। ਇਨ੍ਹਾਂ ਵਿੱਚੋਂ ਬਹੁਤੀਆਂ ਸਰੀਰਕ ਦੂਰੀਆਂ ਬਾਰੇ ਹਨ। ਆਰਡਰਨ ਨੇ ਕਿਹਾ ਕਿ ਇੱਥੇ ਅੰਡਰ ਲੈਵਲ 3 ਦੀਆਂ 185 ਉਲੰਘਣਾ ਹੋਈਆਂ ਹਨ। 46 ਮੁਕੱਦਮੇ ਦਰਜ ਕੀਤੇ ਗਏ ਅਤੇ 24 ਘੰਟਿਆਂ ਵਿੱਚ 21 ਲੋਕਾਂ ਦਾ ਵਾਧਾ ਹੋਇਆ ਹੈ। ਉਸ ਨੇ ਕਿਹਾ ਕਿ 2% ਸਕੂਲੀ ਬੱਚੇ ਸਕੂਲਾਂ ਵਿੱਚ ਹਨ ਅਤੇ ਅਰਲੀ ਚਾਈਲਡਹੁੱਡ ਵਿੱਚ ਉਨ੍ਹਾਂ ਦੇ ਆਮ ਰੋਲ ਵਿੱਚ 4% ਦੀ ਹਾਜ਼ਰੀ ਦਰਜ ਕੀਤੀ ਗਈ ਸੀ।
ਪ੍ਰਧਾਨ ਮੰਤਰੀ ਆਰਡਰਨ ਨੇ ਕਿਹਾ ਕਿ 19 ਸਤੰਬਰ ਤੋਂ ਚੋਣਾਂ ਦੀ ਤਰੀਕ ਨੂੰ ਬਦਲਣ ਦੀ ਕੋਈ ਯੋਜਨਾ ਨਹੀਂ ਹੈ ਅਤੇ ਉਸ ਤਾਰੀਖ਼ ਤੋਂ ਪਹਿਲਾਂ ਤਿੰਨ ਮਹੀਨਿਆਂ ਦੇ ਪ੍ਰਚਾਰ ਦੀ ਮਿਆਦ ਪਹਿਲਾਂ ਵਾਂਗ ਰਹੇਗੀ।
ਨਿਊਜ਼ੀਲੈਂਡ ਦੇ 1,476 ਕੇਸਾਂ ਵਿੱਚੋਂ 1,128 ਕੰਨਫ਼ਰਮ ਅਤੇ 348 ਪ੍ਰੋਬੈਵਲੀ ਕੇਸ ਹਨ। ਮੈਡੀਕਲ ਸਟੇਟਸ ਅਨੁਸਾਰ 216 ਐਕਟਿਵ ਕੇਸ ਹਨ। ਕੋਰੋਨਾਵਾਇਰਸ ਤੋਂ ਰਿਕਵਰ ਹੋਇਆਂ ਦੀ ਗਿਣਤੀ 1,241 ਹੋ ਗਈ ਹੈ। ਹਸਪਤਾਲ ਵਿੱਚ 7 ਲੋਕ ਹਨ, ਆਈ.ਸੀ.ਯੂ. ਵਿੱਚ ਕੋਈ ਵੀ ਵਿਅਕਤੀ ਨਹੀਂ ਹੈ। ਕੋਵਿਡ -19 ਨਾਲ ਦੇਸ਼ ਵਿੱਚ 19 ਮੌਤਾਂ ਹੋਈਆ ਹਨ।
ਜ਼ਿਕਰਯੋਗ ਹੈ ਕਿ ਦੁਨੀਆ ਭਰ ਵਿੱਚ ਕੋਰੋਨਾਵਾਇਰਸ ਤੋਂ ਪੀੜਤ 3,190,011 ਦੇ ਮਾਮਲੇ ਸਾਹਮਣੇ ਆਏ ਹਨ, ਜਦੋਂ ਕਿ ਕੋਰੋਨਾ ਨਾਲ ਮੌਤਾਂ ਦੀ ਗਿਣਤੀ 227,352 ਉੱਤੇ ਪਹੁੰਚ ਗਈ ਹੈ ਅਤੇ ਰਿਕਵਰ ਹੋਣ ਵਾਲਿਆਂ ਦੀ ਗਿਣਤੀ 951,238 ਹੈ।
