ਆਕਲੈਂਡ, 20 ਫਰਵਰੀ – ਨਿਊਜ਼ੀਲੈਂਡ ਪੁਲਿਸ ‘ਚ ਭਰਤੀ ਹੋਏ ਨਵੇਂ ਜਵਾਨਾਂ ਵੱਲੋਂ ਟਾਕਾਨੀਨੀ ਗੁਰੂ ਘਰ ਵਿੱਚ ਆ ਕੇ ਸਿੱਖ ਧਰਮ ਬਾਰੇ ਜਾਣਕਾਰੀ ਲਈ। ਉਨ੍ਹਾਂ ਨੂੰ ਦਲਜੀਤ ਸਿੰਘ ਅਤੇ ਚੰਦਨਦੀਪ ਕੌਰ ਨੇ ਸਿੱਖ ਪ੍ਰੋਟੋਕਾਲ ਤੇ ਪੰਜ ਕਕਾਰਾਂ ਦੀ ਮਹਾਨਤਾ (ਜਦੋਂ ਕਿਸੇ ਸਿੱਖ ਦੇ ਘਰ ਜਾਣ ਸਮੇਂ, ਗੱਡੀ ਰੋਕਣ ਸਮੇਂ, ਕੋਈ ਟੈੱਸਟ ਲੈਣ ਸਮੇਂ ਆਦਿ ਕਿਹੜੇ ਅਹਿਤਿਆਤ ਵਰਤੇ ਜਾ ਸਕਦੇ ਹਨ) ਬਾਰੇ ਜਾਣਕਾਰੀ ਦਿੱਤੀ। ਆਏ ਹੋਏ ਸਾਰੇ ਪੁਲਿਸ ਕਰਮੀਆਂ ਨੂੰ ਗੁਰੂ ਘਰ ਵੱਲੋਂ ਗਿਫ਼ਟ ਵੀ ਦਿੱਤੇ ਗਏ। ਸਾਰੇ ਨਵੇਂ ਭਰਤੀ ਜਵਾਨਾਂ ਨੇ ਕਿਹਾ ਇਹ ਵਾਕਿਆ ਹੀ ਉਨ੍ਹਾਂ ਲਈ ਨਵਾਂ ਤਜ਼ਰਬਾ ਹੈ। ਪੁਲਿਸ ਦੇ ਇਸ ਗਰੁੱਪ ‘ਚ ਇੱਕ ਪੰਜਾਬੀ ਨੌਜੁਆਨ ਵੀ ਟਾਕਾਨੀਨੀ ਤੋਂ ਭਰਤੀ ਹੋਇਆ ਜੋ ਆਪਣੀ ਟੀਮ ਨਾਲ ਗੁਰੂਘਰ ਆਉਣ ‘ਤੇ ਮਾਣ ਮਹਿਸੂਸ ਕਰ ਰਿਹਾ ਸੀ।
