ਨਿਊਜ਼ੀਲੈਂਡ ‘ਚ ਦਾਖ਼ਲ ਹੋਣ ਤੋਂ ਪਹਿਲਾਂ ਹਰ ਕੋਈ ਨੈਗੇਟਿਵ ਟੈੱਸਟ ਕਰੇ – ਨੈਸ਼ਨਲ ਪਾਰਟੀ

ਵੈਲਿੰਗਟਨ, 20 ਅਗਸਤ – ਨੈਸ਼ਨਲ ਪਾਰਟੀ ਲੀਡਰ ਜੂਡਿਥ ਕੌਲਿਨਜ਼ ਨੇ ਕਿਹਾ ਕਿ ਨੈਸ਼ਨਲ ਪਾਰਟੀ ਚਾਹੁੰਦੀ ਹੈ ਕਿ ਜਿਹੜੇ ਕੀਵੀਜ਼ ਵਿਦੇਸ਼ਾਂ ਤੋਂ ਵਾਪਸ ਘਰ ਪਰਤ ਰਹੇ ਹਨ ਉਨ੍ਹਾਂ ਨੂੰ ਅੰਦਰ ਆਉਣ ਦੀ ਇਜਾਜ਼ਤ ਦੇਣ ਤੋਂ ਪਹਿਲਾਂ ਕੋਵਿਡ -19 ਲਈ ਨੈਗੇਟਿਵ ਟੈੱਸਟ ਕਰਵਾਉਣ।
ਉਨ੍ਹਾਂ ਨੇ ਅੱਜ ਆਪਣੀ ਪਾਰਟੀ ਦੀ ਬਾਡਰ ਪਾਲਿਸੀ ਜਾਰੀ ਕੀਤੀ, ਜਿਸ ਵਿੱਚ ਸਾਰੇ ਸੰਪਰਕ-ਟ੍ਰੈਕਿੰਗ ਟੈਕਨਾਲੋਜੀ ਦੀ ਲਾਜ਼ਮੀ ਤੌਰ ‘ਤੇ ਵਰਤੋਂ ਕਰਨ, ਜਿਵੇਂ ਕਿ ‘ਕੋਵਿਡ ਕਾਰਡ’ – ਜਿਸ ‘ਚ ਸਾਰੇ ਵਿਦੇਸ਼ਾਂ ਤੋਂ ਆਉਣ ਵਾਲੇ, ਸਰਹੱਦ ਦਾ ਸਾਹਮਣਾ ਕਰਨ ਵਾਲੇ ਕਰਮਚਾਰੀਆਂ ਅਤੇ ਡੀਐਚਬੀ ਸਟਾਫ਼ ਲਈ ਜੋ ਮਰੀਜ਼ਾਂ ਦਾ ਇਲਾਜ ਜਾਂ ਟੈੱਸਟ ਕਰਦੇ ਹਨ ਲਈ ਵਰਤੋਂ ਸ਼ਾਮਿਲ ਹੈ। ਗੌਰਤਲਬ ਹੈ ਕਿ ਇਹ ਵਿਚਾਰ ਪਹਿਲਾਂ ਓਟਾਗੋ ਯੂਨੀਵਰਸਿਟੀ ਦੇ ਮਹਾਂਮਾਰੀ ਵਿਗਿਆਨੀ ਪ੍ਰੋਫੈਸਰ ਮਾਈਕਲ ਬੇਕਰ ਵੱਲੋਂ ਭਵਿੱਖ ਵਿੱਚ ਕੋਵਿਡ -19 ਦੇ ਫੈਲਣ ਦੀ ਸਥਿਤੀ ਵਿੱਚ ਸੰਪਰਕ-ਟਰੇਸਿੰਗ ‘ਤੇ ਇੱਕ ਸ਼ੁਰੂਆਤ ਪ੍ਰਾਪਤ ਕਰਨ ਦੇ ਤਰੀਕੇ ਵਜੋਂ ਪੇਸ਼ ਕੀਤਾ ਗਿਆ ਸੀ।
ਉਨ੍ਹਾਂ ਕਿਹਾ ਕਿ ਨੈਸ਼ਨਲ ਸਰਹੱਦ ‘ਤੇ ਕੋਵਿਡ -19 ਦੇ ਪ੍ਰਬੰਧਨ ਦੀ ਨਿਗਰਾਨੀ ਲਈ ਇੱਕ ਨਵੀਂ ਬਾਰਡਰ ਪ੍ਰੋਟੈਕਸ਼ਨ ਏਜੰਸੀ ਵੀ ਚਾਹੁੰਦਾ ਹੈ, ਜੋ ਇੱਕ ਸਮਰਪਿਤ ਮੰਤਰੀ ਨੂੰ ਜਵਾਬਦੇਹ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਸਾਡੀ ਸਰਹੱਦ ‘ਤੇ ਕੋਵਿਡ -19 ਦਾ ਪ੍ਰਬੰਧ ਕਰਨ ਦੀ ਮੌਜੂਦਾ ਐਡ-ਹੋਕ ਪ੍ਰਣਾਲੀ ਵੱਖ-ਵੱਖ ਏਜੰਸੀਆਂ ਨੂੰ ਵੱਖ-ਵੱਖ ਪਹਿਲੂਆਂ ਦਾ ਇੰਚਾਰਜ ਰੱਖਣਾ ਦੇ ਕਰਕੇ ਇੱਕ ਗੜਬੜ ਅਤੇ ਉਲਝਣ ਵਾਲੀ ਪ੍ਰਤੀਕ੍ਰਿਆ ਪੈਦਾ ਕਰਦੀ ਹੈ।
ਉਨ੍ਹਾਂ ਕਿਹਾ ਕਿ ਨਵੀਂ ਬਾਰਡਰ ਪ੍ਰੋਟੈਕਸ਼ਨ ਏਜੰਸੀ ਨਿਊਜ਼ੀਲੈਂਡ ਆਉਣ ਵਾਲੇ ਲੋਕਾਂ ਜੀਵੇਂ ਵਿਦੇਸ਼ੀ ਕਾਮਿਆਂ ਅਤੇ ਵਿਦਿਆਰਥੀਆਂ ਸਮੇਤ ਮਾਪਦੰਡਾਂ ਦੀ ਜ਼ਿੰਮੇਵਾਰੀ ਲਵੇਗੀ। ਨੈਸ਼ਨਲ ਪਾਰਟੀ ਦੇਸ਼ ਵਿੱਚ ਯਾਤਰਾ ਕਰਨ ਵਾਲੇ ਲੋਕਾਂ ਨੂੰ ਸਿਹਤ ਡੈਕਲਰੇਸ਼ਨ ‘ਤੇ ਦਸਤਖ਼ਤ ਕਰਨ ਅਤੇ ਆਉਣ ਤੋਂ ਪਹਿਲਾਂ ਇੱਕ ਨੈਗੇਟਿਵ ਟੈੱਸਟ ਦੇ ਸਬੂਤ ਮੁਹੱਈਆ ਕਰਾਉਣ ਦੀ ਵੀ ਲੋੜ ਹੋਵੇਗੀ। ਉਨ੍ਹਾਂ ਦੇ ਤਾਪਮਾਨ ਦੀ ਜਾਂਚ ਥਰਮਲ ਇਮੇਜਿੰਗ ਦੁਆਰਾ ਕੀਤੀ ਜਾਏਗੀ। ਜੇ ਨਿਊਜ਼ੀਲੈਂਡ ਵਿੱਚ ਆਉਣ ਦੀ ਇਜਾਜ਼ਤ ਦਿੱਤੀ ਜਾਂਦੀ ਹੈ, ਤਾਂ ਉਨ੍ਹਾਂ ਨੂੰ ਹਾਲੇ ਵੀ 14 ਦਿਨ ਕੁਆਰੰਟੀਨ ਜਾਂ ਮੈਨੇਜਡ ਆਈਸੋਲੇਸ਼ਨ ਵਿੱਚ ਬਿਤਾਉਣੇ ਪੈਣਗੇ ਅਤੇ ਤੀਸਰੇ ਅਤੇ 12ਵੇਂ ਦਿਨ ਟੈੱਸਟ ਕੀਤੇ ਜਾਣਗੇ। ਉਨ੍ਹਾਂ ਨੇ ਕਿਹਾ ਕਿ ਵਿਦੇਸ਼ਾਂ ਵਿੱਚ ਟੈੱਸਟ ਕਰਵਾਉਣ ਵਿੱਚ ਅਸਮਰੱਥ ਲੋਕ ਨਿਊਜ਼ੀਲੈਂਡ ਨਹੀਂ ਆ ਸਕਣਗੇ।
ਨੈਸ਼ਨਲ ਪਾਰਟੀ ਦੇ ਸਿਹਤ ਦੇ ਬੁਲਾਰੇ ਸ਼ੇਨ ਰੇਟੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਨਹੀਂ ਲੱਗਦਾ ਕਿ ਇਹ ਇੱਕ ਬੇਲੋੜੀ ਜ਼ਰੂਰਤ ਹੈ, ਇਸ ਲਈ ਕਿਉਂਕਿ ਉਨ੍ਹਾਂ ਨੂੰ ਹੁਣੇ ਵੀ 14 ਦਿਨ ਤੱਕ ਮੈਨੇਜਡ ਆਈਸੋਲੇਸ਼ਨ ਰਹਿਣਾ ਹੋਵੇਗਾ ਅਤੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਨੈਗੇਟਿਵ ਟੈੱਸਟ ਦੇਣੇ ਪੈਣਗੇ। ਜਨਤਕ ਸਿਹਤ ਮਾਹਿਰਾਂ ਦਾ ਮੰਨਣਾ ਹੈ ਕਿ 14 ਦਿਨਾਂ ਦਾ ਆਈਸੋਲੇਸ਼ਨ ਕਮਿਊਨਿਟੀ ਵਿੱਚ ਕਿਸੇ ਵੀ ਵਿਅਕਤੀ ਨੂੰ ਵਾਪਸ ਪਰਤਣ ਦੀ ਆਗਿਆ ਦੇਣ ਤੋਂ ਪਹਿਲਾਂ ਕਿਸੇ ਵੀ ਸੰਭਾਵਿਤ ਆਯਾਤ ਕੇਸ ਨੂੰ ਸ਼ਾਮਿਲ ਕਰਨ ਦਾ ਇਕ ਵਧੀਆ ਢੰਗ ਹੈ। ਮੈਨੇਜਡ ਆਈਸੋਲੇਸ਼ਨ ਸਹੂਲਤਾਂ ‘ਤੇ ਵਿਦੇਸ਼ੀ ਪਹੁੰਚਣ ਵਾਲਿਆਂ ਦੇ ਸੰਪਰਕ ਵਿੱਚ ਕੰਮ ਕਰਨ ਵਾਲੇ ਕਾਮਿਆਂ ਦੀ ਹਫ਼ਤੇ ਵਿੱਚ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ।
ਨੈਸ਼ਨਲ ਪਾਰਟੀ ਦੇ ਸਰਹੱਦੀ ਨੀਤੀ ਦੇ ਹੋਰ ਪਹਿਲੂਆਂ ਵਿੱਚ ਸ਼ਾਮਲ ਹਨ:

ਟੈਸਟਿੰਗ ਕਰਨ ਦਾ ਸਮਾਂ 60 ਮਿੰਟ ਤੋਂ ਵੱਧ ਦੀ ਉਡੀਕ ਦਾ ਨਾ ਹੋਵੇ।

ਕੋਵਿਡ -19 ਲਈ ਨਿਯਮਤ ਵੇਸਟਵਾਟਰ ਦੀ ਜਾਂਚ

ਬਜ਼ੁਰਗਾਂ ਦੀ ਦੇਖਭਾਲ ਕਰਨ ਵਾਲੇ ਕਰਮਚਾਰੀਆਂ ਦੀ ਨਿਯਮਤ ਟੈਸਟਿੰਗ ਅਤੇ ਬਜ਼ੁਰਗ-ਦੇਖਭਾਲ ਸਹੂਲਤਾਂ ਦੇ ਅੰਦਰ ਟੈੱਸਟਾਂ ਨੂੰ ਵਧਾਉਣਾ

ਕੌਲਿਨਜ਼ ਨੇ ਕਿਹਾ ਕਿ ਰਿਟਾਇਰਮੈਂਟਾਂ ਦੀ ਜਾਂਚ ਨਹੀਂ ਹੋਵੇਗੀ।

ਜ਼ਿਕਰਯੋਗ ਹੈ ਕਿ 19 ਅਗਸਤ ਨੂੰ ਉਪ-ਪ੍ਰਧਾਨ ਮੰਤਰੀ ਤੇ ਐਨਜ਼ੈੱਡ ਫਰਸਟ ਦੇ ਆਗੂ ਵਿੰਸਟਨ ਪੀਟਰਜ਼ ਨੇ ਵੀ ਆਪਣੀ ਪਾਰਟੀ ਦੀ ਬਾਡਰ ਪਾਲਿਸੀ ਰਿਲੀਜ਼ ਕਰਦੇ ਹੋਏ ਕਿਹਾ ਸੀ ਕਿ ਇੱਕ ਸਿੰਗਲ ਕ੍ਰਾਊਨ ਏਜੰਸੀ ਸਮੇਤ ਅਤੇ ਦੇਸ਼ ਦੀ ਮੈਨੇਜਡ ਕੁਆਰੰਟੀਨ ਅਤੇ ਆਈਸੋਲੇਸ਼ਨ ਦੀਆਂ ਸਹੂਲਤਾਂ ਨੂੰ ਦੇਸ਼ ਭਰ ਦੇ ਫ਼ੌਜੀਆਂ ਦੇ ਠਿਕਾਣਿਆਂ ਵਿੱਚ ਤਬਦੀਲ ਕਰਨਾ ਚਾਹੀਦਾ ਹੈ।