ਆਕਲੈਂਡ, 23 ਮਾਰਚ – ਏਐੱਸਬੀ ਦਾ ਕਹਿਣਾ ਹੈ ਕਿ ਵੱਧ ਦੀਆਂ ਲਾਗਤਾਂ ਦੇ ਦਬਾਅ ਦੇ ਕਾਰਣ ਪਰਿਵਾਰ ਇਸ ਸਾਲ ਆਪਣੇ ਰਹਿਣ-ਸਹਿਣ ਦੀਆਂ ਲਾਗਤਾਂ ‘ਤੇ ਔਸਤਨ 150 ਡਾਲਰ ਪ੍ਰਤੀ ਹਫ਼ਤੇ ਵਾਧੂ ਖ਼ਰਚ ਕਰਨਗੇ।
ਅਰਥਸ਼ਾਸਤਰੀ ਮਾਰਕ ਸਮਿਥ ਨੇ ਕਿਹਾ ਕਿ ਲਾਗਤ ਵਿੱਚ ਵਾਧਾ ਵਧ ਰਿਹਾ ਹੈ ਅਤੇ ਤੇਜ਼ੀ ਨਾਲ ਵਿਆਪਕ ਹੋ ਰਿਹਾ ਹੈ। ਕੁੱਲ ਮਿਲਾ ਕੇ ਘਰੇਲੂ ਲਾਗਤਾਂ ਵਿੱਚ ਇਸ ਸਾਲ 7% ਜਾਂ 15 ਬਿਲੀਅਨ ਡਾਲਰ ਦੇ ਵਾਧੇ ਦੀ ਉਮੀਦ ਹੈ।
ਖ਼ਬਰ ਮੁਤਾਬਿਕ ਉਨ੍ਹਾਂ ਨੇ ਭਵਿੱਖਬਾਣੀ ਕੀਤੀ ਹੈ ਕਿ 2022 ਤੱਕ ਮਹਿੰਗਾਈ 6% ਦੇ ਕਰੀਬ ਉੱਚੀ ਰਹੇਗੀ। ਉਨ੍ਹਾਂ ਨੇ ਕਿਹਾ ਕਿ ਲਗਜ਼ਰੀ ਖ਼ਰਚਿਆਂ ਦੀ ਤੁਲਣਾ ਵਿੱਚ ਭੋਜਨ (Food), ਈਂਧਣ (Fuel) ਅਤੇ ਆਸਰਾ (Shelter) ਵਰਗੀਆਂ ਜ਼ਰੂਰੀ ਚੀਜ਼ਾਂ ਵਿੱਚ ਘਰੇਲੂ ਲਾਗਤ ‘ਚ ਵਾਧਾ ਵਧੇਰੇ ਸਪਸ਼ਟ ਹੈ। ਅੱਗੇ ਹੋਰ ਅਸਥਿਰਤਾ ਹੈ, ਪਰ ਅਸੀਂ ਉਮੀਦ ਕਰਦੇ ਹਾਂ ਕਿ ਖਪਤਕਾਰ ਕੀਮਤਾਂ ਵਿੱਚ ਤੇਜ਼ੀ ਜਾਰੀ ਰਹੇਗੀ, ਕਰਜ਼ੇ ਦੀ ਸੇਵਾ ਦੀਆਂ ਲਾਗਤਾਂ ਵਿੱਚ ਤੇਜ਼ੀ ਨਾਲ ਵਾਧਾ ਹੋਵੇਗਾ। ਦੋਵੇਂ ਘਰੇਲੂ ਬਜਟ ਨੂੰ ਦਬਾਅ ਹੇਠ ਰੱਖਣਗੇ। ਉਨ੍ਹਾਂ ਕਿਹਾ ਕਿ ਪ੍ਰਭਾਵ ਅਸਮਾਨ ਹੋਵੇਗਾ। ਵਿਆਜ ਦਰਾਂ ਵਧਣ ਦਾ ਮਤਲਬ ਬਹੁਤ ਜ਼ਿਆਦਾ ਕਰਜ਼ਦਾਰ ਪਰਿਵਾਰਾਂ ‘ਤੇ ਵਧੇਰੇ ਦਬਾਅ ਹੋਵੇਗਾ।
