3 ਤੋਂ 12 ਸਾਲ ਦੇ ਬੱਚੇ ਅਤੇ ਗੰਭੀਰ ਮਾਨਸਿਕ ਸਿਹਤ ਜਾਂ ਨਸ਼ਾਖੋਰੀ ਵਾਲੇ ਲੋਕ ਲਈ ਮੁਫ਼ਤ ਫਲੂ ਵੈਕਸੀਨ
ਆਕਲੈਂਡ, 7 ਜੁਲਾਈ – ਮੁਸਕਾਨ ਕੇਅਰ ਟਰੱਸਟ ਸਾਡੇ ਐਥਨਿਕ ਭਾਰਤੀ ਭਾਈਚਾਰਿਆਂ ਨੂੰ ਮੇਨ ਸਟਰੀਮ ਦੀਆਂ ਸਮਾਜਿਕ, ਸਿਹਤ ਅਤੇ ਤੰਦਰੁਸਤੀ ਸੇਵਾਵਾਂ ਨੂੰ ਏਕੀਕਰਣ ਅਤੇ ਬ੍ਰਿਜ ਕਰਨ ਯਾਨੀ ਜੋੜਨ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾ ਰਿਹਾ ਹੈ। ਟੀਮ ਮੁਸਕਾਨ ਨੇ ਸਾਂਝਾ ਕੀਤਾ ਕਿ ਮਾਨਯੋਗ ਮੰਤਰੀ ਐਂਡਰਿਊ ਲਿਟਲ ਨੇ ਹੁਣੇ ਵੀ ‘ਹੋਰ ਮੁਫ਼ਤ ਫਲੂ ਵੈਕਸੀਨ ਅਤੇ ਹਸਪਤਾਲ ਵਿੱਚ ਦਾਖ਼ਲ ਹੋਣ ਦੇ ਜੋਖ਼ਮ ਵਾਲੇ ਸਮੂਹਾਂ ਲਈ ਦੂਜੇ ਕੋਵਿਡ -19 ਬੂਸਟਰ’ ਦਾ ਐਲਾਨ ਕੀਤਾ ਹੈ।
ਸਰਕਾਰ ਨੇ 1 ਜੁਲਾਈ ਦਿਨ ਸ਼ੁੱਕਰਵਾਰ ਤੋਂ ਨਿਊਜ਼ੀਲੈਂਡ ਵਾਸੀਆਂ ਲਈ 800,000 ਵਾਧੂ ਮੁਫ਼ਤ ‘ਫਲੂ ਵੈਕਸੀਨ’ ਦੀ ਪਹੁੰਚ ਨੂੰ ਵਧਾ ਦਿੱਤਾ ਹੈ।
3 ਤੋਂ 12 ਸਾਲ ਦੀ ਉਮਰ ਦੇ ਬੱਚੇ ਅਤੇ ਗੰਭੀਰ ਮਾਨਸਿਕ ਸਿਹਤ ਜਾਂ ਨਸ਼ਾਖੋਰੀ ਵਾਲੇ ਲੋਕ ਹੁਣ ਮੁਫ਼ਤ ਫਲੂ ਖ਼ੁਰਾਕ ਲਈ ਯੋਗ ਹਨ। ਜਦੋਂ ਕਿ 5 ਜੁਲਾਈ ਦਿਨ ਮੰਗਲਵਾਰ ਤੋਂ ਨਿਊਜ਼ੀਲੈਂਡ ਦੇ ਬਜ਼ੁਰਗਾਂ ਅਤੇ ਹੋਰ ਸਮੂਹਾਂ ਲਈ ਪਹਿਲੇ ਬੂਸਟਰ ਤੋਂ ਛੇ ਮਹੀਨਿਆਂ ਬਾਅਦ ਦੂਜਾ ਕੋਵਿਡ -19 ਬੂਸਟਰ ਉਪਲਬਧ ਹੈ।
ਮੁਸਕਾਨ ਕੇਅਰ ਨੇ ਇਹ ਵੀ ਸਾਂਝਾ ਕੀਤਾ ਕਿ ਸਰਕਾਰ ਉਨ੍ਹਾਂ ਲੋਕਾਂ ਦੇ ਸਮੂਹਾਂ ਲਈ ਮੁਫ਼ਤ ਫਲੂ ਵੈਕਸੀਨ ਅਤੇ ਕੋਵਿਡ -19 ਬੂਸਟਰ ਸ਼ਾਟਸ ਤੱਕ ਪਹੁੰਚ ਵਧਾ ਰਹੀ ਹੈ, ਜਿਨ੍ਹਾਂ ਨੂੰ ਹਸਪਤਾਲ ਵਿੱਚ ਵੱਧ ਦੀ ਗਿਣਤੀ ਵਿੱਚ ਦਾਖ਼ਲ ਕਰਵਾਇਆ ਜਾ ਰਿਹਾ ਹੈ, ਜਿਸ ਵਿੱਚ ਉਹ ਬੱਚੇ ਵੀ ਸ਼ਾਮਲ ਹਨ ਜੋ ਆਪਣੇ ਪਰਿਵਾਰ ਵਿੱਚ ਦੂਜਿਆਂ ਨੂੰ ਫਲੂ ਦੇ ਮਾਸੂਮ ਸੰਚਾਰਕ ਹੋ ਸਕਦੇ ਹਨ। ਜਿਨ੍ਹਾਂ ਨੂੰ ਜ਼ਿਆਦਾ ਖ਼ਤਰਾ ਹੈ, ਇਸ ਲਈ ਜਿੰਨਾ ਸੰਭਵ ਹੋ ਸਕੇ ਫੈਲਾਉਣ ਨੂੰ ਘੱਟ ਕਰਨਾ ਸਮਝਦਾਰੀ ਰੱਖਦਾ ਹੈ।
ਗੰਭੀਰ ਮਾਨਸਿਕ ਸਿਹਤ ਜਾਂ ਨਸ਼ਾ ਕਰਨ ਵਾਲੇ ਲੋਕ ਫਲੂ ਤੋਂ ਗੰਭੀਰ ਰੂਪ ਵਿੱਚ ਬਿਮਾਰ ਹੋ ਸਕਦੇ ਹਨ, ਸਰਕਾਰ ਇਸ ਸਾਲ ਇਸ ਸਮੂਹ ਨੂੰ ਮੁਫ਼ਤ ਫਲੂ ਦੇ ਟੀਕੇ ਵੀ ਵਧਾ ਰਹੀ ਹੈ।
ਮੁਸਕਾਨ ਕੇਅਰ ਟਰੱਸਟ ਨਿਊਜ਼ੀਲੈਂਡ ਨੇ 6 ਜੁਲਾਈ ਦਿਨ ਬੁੱਧਵਾਰ ਨੂੰ ਬਲਮੋਰਲ ਮੰਦਿਰ ਵਿਖੇ ਸਵੇਰੇ 10-12 ਵਜੇ ਦੁਪਹਿਰ 1.30 ਵਜੇ ਤੋਂ 4.30 ਵਜੇ ਤੱਕ ਔਰਮਿਸਟਨ ਸਕੂਲ ਵਿਖੇ ਕਮਿਊਨਿਟੀ ਵੈਕਸੀਨੇਸ਼ਨ ਕਲੀਨਿਕ ਚਲਾਇਆ।
16 ਜੁਲਾਈ ਨੂੰ ਸ੍ਰੀ ਰਾਮ ਮੰਦਰ, ਹੈਂਡਰਸਨ ਦੇ ਨਾਲ ਦੁਪਹਿਰ 12 ਵਜੇ ਤੋਂ ਬਾਅਦ ਕਮਿਊਨਿਟੀ ਵੈਕਸੀਨੇਸ਼ਨ ਕਲੀਨਿਕ ਚਲਾਏਗਾ।
ਹੋਰ ਵਧੇਰੇ ਜਾਣਕਾਰੀ ਲਈ ਤੁਸੀਂ ਸੀਆ ਅਤੇ ਨਿਵੇਦਿਤਾ ਨੂੰ 021 231 8485 ਰਾਹੀ ਟੈਕਸਟ ਜਾਂ ਵੱਟਸਐਪ ‘ਤੇ ਸੰਪਰਕ ਕਰੋ
muskaancaretrustnz@gmail.com ‘ਤੇ ਈਮੇਲ ਕਰੋ
ਫੇਸਬੁੱਕ – https://www.facebook.com/MuskaanCareTrustNZ/
ਨਿਵੇਦਿਤਾ ਸ਼ਰਮਾ ਵਿਜ਼ ਨੇ ਹੋਰ ਵਾਧੂ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ:
ਮੁਸਕਾਨ ਕੇਅਰ ਟਰੱਸਟ ਕਮਿਊਨਿਟੀ ਵੈਕਸੀਨੇਸ਼ਨ ਕਮਿਊਨਿਟੀ ਸੱਭਿਆਚਾਰਕ ਅਤੇ ਭਾਸ਼ਾ ਸਹਾਇਤਾ, ਸਾਈਟ ‘ਤੇ ਸਿਹਤ ਜਾਂਚ ਅਤੇ ਤੁਹਾਡੇ ਸਵਾਲਾਂ ਅਤੇ ਸ਼ੰਕਿਆਂ ਲਈ ਮਾਹਿਰਾਂ ਨਾਲ ਸਲਾਹ-ਮਸ਼ਵਰਾ ਪ੍ਰਦਾਨ ਕਰਦੇ ਹਨ। ਇਹ ਕਵਰ ਕਰਦਾ ਹੈ
ਕੋਵਿਡ -16 ਟੀਕਾਕਰਣ: 65 ਸਾਲ ਦੀ ਉਮਰ ਦੇ ਸਿਹਤ ਸਥਿਤੀਆਂ ਵਾਲੇ ਲੋਕਾਂ ਲਈ ਪਹਿਲਾ ਜਾਂ ਦੂਜਾ ਬੂਸਟਰ। ਬੱਚਿਆਂ ਦੀ ਪਹਿਲੀ ਜਾਂ ਦੂਜੀ ਖ਼ੁਰਾਕ ਅਤੇ ਕੋਈ ਵੀ ਜਿਸ ਨੂੰ ਅਜੇ ਤੱਕ ਪੂਰੀ ਤਰ੍ਹਾਂ ਟੀਕਾਕਰਣ ਨਹੀਂ ਕੀਤਾ ਗਿਆ ਹੈ।
3 ਤੋਂ 12 ਸਾਲ ਦੇ ਬੱਚਿਆਂ ਲਈ ਮੁਫ਼ਤ ਫਲੂ ਟੀਕਾਕਰਣ ਅਤੇ ਗ਼ੈਰ-ਯੋਗ ਪਰਿਵਾਰਕ ਮੈਂਬਰਾਂ ਲਈ ਭੁਗਤਾਨ ਕੀਤਾ ਫਲੂ ਟੀਕਾ ਉਪਲਬਧ ਹੈ।
