ਲੰਡਨ, 16 ਜੁਲਾਈ – ਅੱਜ ਇੱਥੇ ਵਰਲਡ ਦੇ ਇੱਕ ਨੰਬਰ ਦੇ ਖਿਡਾਰੀ ਸਪੇਨ ਦੇ 20 ਸਾਲਾ ਕਾਰਲੋਸ ਅਲਕਰਾਜ਼ ਗਰਫੀਆ ਨੇ ਵਿੰਬਲਡਨ ਦੇ ਪੁਰਸ਼ ਸਿੰਗਲਜ਼ ਦੇ ਫਾਈਨਲ ਮੁਕਾਬਲੇ ‘ਚ ਸੱਤ ਵਾਰ ਦੇ ਚੈਂਪੀਅਨ ਸਰਬੀਆ ਦੇ 36 ਸਾਲਾ ਨੋਵਾਕ ਜੋਕੋਵਿਚ ਨੂੰ 1-6, 7-6, 6-1, 3-6, 6-4 ਨਾਲ ਹਰਾ ਕੇ ਪਹਿਲਾ ਵਿੰਬਲਡਨ ਟੈਨਿਸ ਟੂਰਨਾਮੈਂਟ ਦਾ ਖ਼ਿਤਾਬ ਜਿੱਤ ਲਿਆ। ਜਿਸ ਨਾਲ ਰਿਕਾਰਡ ਦੀ ਬਰਾਬਰੀ ਕਰਨ ਵਾਲੇ ਨੋਵਾਕ ਜੋਕੋਵਿਚ ਦੇ 24ਵੇਂ ਗ੍ਰੈਂਡ ਸਲੈਮ ਦਾ ਸੁਪਨਾ ਟੁੱਟ ਗਿਆ। ਅਲਕਰਾਜ਼ ਨੇ ਪੰਜ ਸੈੱਟ ਤੱਕ ਚੱਲੇ ਮੁਕਾਬਲੇ ਵਿੱਚ ਜੋਕੋਵਿਚ ਨੂੰ ਹਰਾਇਆ। ਅਲਕਰਾਜ਼ ਦਾ ਇਹ ਦੂਜਾ ਗ੍ਰੈਂਡ ਸਲੈਮ ਖ਼ਿਤਾਬ ਹੈ। ਅਲਕਰਾਜ਼ ਨੇ ਪਿਛਲੇ ਸਾਲ ਯੂਐੱਸ ਓਪਨ ਦਾ ਖ਼ਿਤਾਬ ਜਿੱਤਿਆ ਸੀ।
ਇਸ ਹਾਰ ਨਾਲ ਜੋਕੋਵਿਚ ਦਾ 24ਵਾਂ ਗਰੈਂਡ ਸਲੈਮ ਜਿੱਤਣ ਦਾ ਸੁਪਨਾ ਟੁੱਟ ਗਿਆ। ਇਹ ਹੀ ਨਹੀਂ ਇਸ ਹਾਰ ਦੇ ਨਾਲ ਅਲਕਰਾਜ਼ ਨੇ ਜੋਕੋਵਿਚ ਨੂੰ ਰਿਕਾਰਡ ਦੀ ਬਰਾਬਰੀ ਕਰਨ ਵਾਲੇ 8ਵੇਂ ਅਤੇ ਲਗਾਤਾਰ 5ਵੇਂ ਵਿੰਬਲਡਨ ਖ਼ਿਤਾਬ ਜਿੱਤਣ ਤੋਂ ਲਾਂਭੇ ਕਰ ਦਿੱਤਾ।
ਗੌਰਤਲਬ ਹੈ ਕਿ ਹੁਣ 36 ਸਾਲਾ ਜੋਕੋਵਿਚ ਨੂੰ 24ਵਾਂ ਗ੍ਰੈਂਡ ਸਲੈਮ ਜਿੱਤ ਕੇ ਮਹਿਲਾ ਅਮਰੀਕੀ ਟੈਨਿਸ ਖਿਡਾਰਨ ਸੇਰੇਨਾ ਵਿਲੀਅਮਜ਼ ਨੂੰ ਪਿੱਛੇ ਛੱਡਣ ਲਈ ਹੋਰ ਇੰਤਜ਼ਾਰ ਕਰਨਾ ਹੋਵੇਗਾ। ਜਦੋਂ ਕਿ 20 ਸਾਲਾ ਅਲਕਾਰਜ਼ ਵਿੰਬਲਡਨ ਜਿੱਤਣ ਵਾਲਾ ਤੀਜਾ ਸਭ ਤੋਂ ਘੱਟ ਉਮਰ ਦਾ ਖਿਡਾਰੀ ਬਣ ਗਿਆ ਹੈ। ਦੋਵਾਂ ਵਿਚਕਾਰ ਉਮਰ ਦਾ ਅੰਤਰ 1974 ਤੋਂ ਬਾਅਦ ਕਿਸੇ ਵੀ ਗ੍ਰੈਂਡ ਸਲੈਮ ਫਾਈਨਲ ਵਿੱਚ ਸਭ ਤੋਂ ਵੱਡਾ ਹੈ।
ਦੋਵੇਂ ਪਿਛਲੇ ਮਹੀਨੇ ਫ੍ਰੈਂਚ ਓਪਨ ‘ਚ ਵੀ ਭਿੜੇ ਸਨ ਪਰ ਅਲਕਾਰਜ਼ ਜ਼ਖਮੀ ਹੋ ਗਏ ਸਨ। ਪਰ ਇਸ ਵਾਰ ਉਸ ਕੋਲ ਜੋਕੋਵਿਚ ਦੇ ਹਰ ਸਟਰੋਕ ਦਾ ਜਵਾਬ ਦੇਣ ਦੀ ਹਿੰਮਤ ਸੀ। ਉਸ ਨੇ 130 ਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਸਰਵਿਸ ਕੀਤੀ। ਜੋਕੋਵਿਚ ਆਖ਼ਰੀ ਵਾਰ ਇੱਥੇ 2013 ਵਿੱਚ ਫਾਈਨਲ ਹਾਰ ਗਏ ਸਨ। ਇਹ ਉਸ ਦਾ ਰਿਕਾਰਡ 35ਵਾਂ ਗ੍ਰੈਂਡ ਸਲੈਮ ਫਾਈਨਲ ਸੀ ਜਦੋਂ ਕਿ ਅਲਕਾਰਜ਼ ਆਪਣਾ ਦੂਜਾ ਫਾਈਨਲ ਖੇਡ ਰਿਹਾ ਸੀ। ਇਸ ਦੇ ਬਾਵਜੂਦ ਤੀਜੇ ਸੈੱਟ ‘ਚ ਉਸ ਨੇ ੨੫ ਮਿੰਟ ਤੱਕ ਚੱਲੀ ਸ਼ਾਨਦਾਰ ਖੇਡ ਜਿੱਤ ਕੇ ਮੈਚ ‘ਚ 32 ਅੰਕ ਬਣਾਏ। ਉਸ ਨੇ ਪੰਜਵੇਂ ਸੈੱਟ ‘ਚ ਬੈਕਹੈਂਡ ‘ਤੇ ਸ਼ਾਨਦਾਰ ਜਿੱਤ ਨਾਲ ਜੋਕੋਵਿਚ ਦੀ ਸਰਵਿਸ ਤੋੜ ਦਿੱਤੀ। ਹਾਰ ਤੋਂ ਬਾਅਦ ਜੋਕੋਵਿਚ ਆਪਣੇ ਗ਼ੁੱਸੇ ‘ਤੇ ਕਾਬੂ ਨਹੀਂ ਰੱਖ ਸਕੇ ਅਤੇ ਨੈੱਟ ‘ਤੇ ਸੁੱਟ ਕੇ ਆਪਣਾ ਰੈਕੇਟ ਤੋੜ ਦਿੱਤਾ। ਚੇਅਰ ਅੰਪਾਇਰ ਨੇ ਉਸ ਨੂੰ ਚੋਣ ਜ਼ਾਬਤੇ ਦੀ ਉਲੰਘਣਾ ਦਾ ਦੋਸ਼ੀ ਪਾਇਆ।
