੧੪ ਫਰਵਰੀ ਯਾਨੀ ਕਿ ਵੈਲਨਡਾਇਨ ਡੇਅ! ਅੱਜ ਦਾ ਇਹ ਦਿਨ ਬੱਚੇ-ਬੱਚੇ ਨੂੰ ਪਤਾ ਹੈ। ਪਰ ਕੀ ਸਿਰਫ਼ ਵੈਲਨਡਾਇਨ ਵਾਲਾ ਦਿਨ ਹੀ ਪਿਆਰ ਦਾ ਇਜ਼ਹਾਰ ਦਾ ਹੁੰਦਾ ਹੈ? ਕੀ ਸਿਰਫ਼ ਸਾਰੇ ਸਾਲ ਵਿੱਚ ਇਸ ਦਿਨ ਹੀ ਪਿਆਰ ਦਾ ਇਜ਼ਹਾਰ ਕੀਤਾ ਜਾ ਸਕਦਾ ਹੈ? ਅੱਜ ਅਸੀਂ ਪੱਛਮੀ ਸਭਿਆਚਾਰ ਦੇ ਰੰਗ ਵਿੱਚ ਰੰਗਦੇ ਜਾ ਰਹੇ ਹਨ। ਅੱਜ ਦੇ ਮਾਡਰਨ ਯੁੱਗ ਵਿੱਚ ਮੁੰਡੇ-ਕੁੜੀਆਂ ਇਕ ਦੂਜੇ ਨੂੰ ਲਾਲ ਗੁਲਾਬ ਅਤੇ ਮਹਿੰਗੇ ਤੋਂ ਮਹਿੰਗੇ ਗਿਫਟ ਦੇ ਕੇ ਆਪਣੇ ਪਿਆਰ ਦਾ ਇਜ਼ਹਾਰ ਕਰਦੇ ਹਨ। ਬਜ਼ਾਰਾਂ ਵਿੱਚ ਵੀ ਲਾਲ ਰੰਗ ਵਿੱਚ ਰੰਗੇ ਮਹਿੰਗੇ-ਮਹਿੰਗੇ ਗਿਫਟ ਮੌਜੂਦ ਹਨ। ਜਿਸ ਨੂੰ ਖਰੀਦਣਾ ਆਮ ਆਦਮੀ ਦੇ ਵੱਸ ਵਿੱਚ ਨਹੀਂ ਹੈ।
ਜਿਸ ਤਰ੍ਹਾਂ ਅਸੀਂ ਪੱਛਮੀ ਸਭਿਆਚਾਰ ਦੇ ਰੰਗ ਵਿੱਚ ਆਪਣੇ ਸਭਿਆਚਾਰ ਨੂੰ ਭੁੱਲ ਕੇ ਰੰਗੇ ਜਾ ਰਹੇ, ਕੀ ਇਹ ਠੀਕ ਹੈ? ਆਪਣੇ ਆਪ ਨੂੰ ਮਾਡਰਨ ਕਹਿਣ ਵਾਲੇ ਮੁੰਡੇ-ਕੁੜੀਆਂ ਆਪਣੇ ਮਾਂ-ਪਿਉ ਤੋਂ ਚੋਰੀ ਮਿਲਦੇ ਹਨ। ਸਕੂਲ ਜਾਂ ਕਾਲਜ ਨਾ ਜਾ ਕੇ ਕਿਸੇ ਥੀਏਟਰ ਵਿੱਚ ਜਾ ਕੇ ਹਜ਼ਾਰਾਂ ਰੁਪਏ ਫੂਕ ਕੇ ਫਿਲਮ ਦੇਖਦੇ ਹਨ ਜਾਂ ਕਿਸੇ ਪਾਰਕ ਜਾਂ ਪਬਲਿਕ ਥਾਂ ਉੱਤੇ ਮਿਲਦੇ ਹਨ ਅਤੇ ਇਕ-ਦੂਜੇ ਨਾਲ ਅਜਿਹੀਆਂ ਹਰਕਤਾਂ ਕਰਦੇ ਹਨ ਕਿ ਲਿਖਣ ਵਿੱਚ ਵੀ ਸ਼ਰਮ ਆਉਂਦੀ ਹੈ। ਇਹ ਮਾਡਰਨ ਕੁੜੀਆਂ ਫੈਸ਼ਨਦਾਰ ਛੋਟੇ-ਛੋਟੇ ਕੱਪੜੇ ਤਾਂ ਪਾ ਲੈਂਦੀਆਂ ਹਨ ਪਰ ਬਾਅਦ ਵਿੱਚ ਜਦੋਂ ਆਪਣਾ ਸਰੀਰ ਨੰਗਾ ਹੁੰਦਾ ਹੈ ਤਾਂ ਇਸ ਖਿੱਚ ਖਿੱਚ ਕੇ ਲੰਮਾ ਕਰਨ ਦੀਆਂ ਕੋਸ਼ਿਸ਼ਾਂ ਕਰਦੀਆਂ ਨੂੰ ਆਮ ਹੀ ਦੇਖਿਆ ਜਾ ਸਕਦਾ ਹੈ। ਫਿਰ ਅਜਿਹਾ ਦ੍ਰਿਸ਼ ਦੇ ਕੇ ਕਿਸੇ ਦਾ ਦਿਲ ਵੀ ਮਚਲ ਸਕਦਾ ਹੈ ਅਤੇ ਕੋਈ ਮੰਦਭਾਗੀ ਘਟਨਾ ਵਾਪਰ ਸਕਦੀ ਹੈ। ਪਤਾ ਨਹੀਂ ਸ਼ਾਇਦ ਇਹ ਕੁੜੀਆਂ ਆਪਣੇ ਮਾਂ-ਪਿਉ ਤੋਂ ਚੋਰੀ ਛਿਪੇ ਕੱਪੜੇ ਪਾਉਂਦਿਆਂ ਹਨ ਜਾਂ ਫਿਰ ਜਦੋਂ ਕੁੜੀਆਂ ਨੇ ਅਜਿਹੇ ਕੱਪੜੇ ਪਾਏ ਹੁੰਦੇ ਤਾਂ ਮਾਂ-ਪਿਉ ਆਪਣੀਆਂ ਅੱਖਾਂ ਬੰਦ ਕਰ ਲੈਂਦੇ ਹਨ। ਘੱਟ ਕੱਪੜੇ ਪਾਉਣ ਨੂੰ ਫੈਸ਼ਨ ਕਿਹਾ ਜਾਂਦਾ ਹੈ!!!!! ਭਾਵੇਂ ਤੁਹਾਡੇ ਵਿਚਾਰ ਕਿੰਨੇ ਹੀ ਪੱਛੜੇ ਕਿਉਂ ਨਾ ਹੋਣ।
ਅੱਜ ਦੇ ਮਾਡਰਨ ਮੁੰਡੇ ਵੀ ਕਿਹੜਾ ਘੱਟ ਨੇ!!! ਮਹਿੰਗੇ ਤੋਂ ਮਹਿੰਗੇ ਮੋਟਰ-ਸਾਈਕਲ ਰੱਖੇ ਹੋਏ ਹਨ ਜਾਂ ਗੱਡੀ ਰੱਖੀ ਹੋਈ ਹੈ। ਮੋਬਾਇਲ ਤਾਂ ਹਰ ਇਕ ਦੀ ਜੇਬ ਵਿੱਚ ਜ਼ਰੂਰ ਹੀ ਮਿਲੇਗਾ। ਭਾਵੇਂ ਉਸ ਵਿੱਚ ਬੈਲੇਂਸ ਹੋਵੇ ਜਾਂ ਨਾ। ਕੀ ਪੜ੍ਹਨ ਵਾਲੇ ਵਿਦਿਆਰਥੀ ਕੋਲ ਇਹ ਸਭ ਕੁਝ ਹੋਣਾ ਠੀਕ ਹੈ? ਜਦੋਂ ਜ਼ਰੂਰਤਾਂ ਪੂਰੀ ਕਰਨ ਲਈ ਪੈਸੇ ਦੀ ਜਰੂਰਤ ਪੈਂਦੀ ਹੈ ਤਾਂ ਫਿਰ ਗਲਤ ਕੰਮ ਕਰਦੇ ਹਨ। ਮਾਂ-ਪਿਉ ਦੀ ਇਹੋ ਦਲੀਲ ਹੁੰਦੀ ਹੈ ਕਿ ਅਸੀਂ ਤਾਂ ਸਭ ਕੁਝ ਦਿੱਤਾ ਸੀ ਪਤਾ ਨਹੀਂ ਮਾੜੀ ਸੰਗਤ ਵਿੱਚ ਕਿਵੇਂ ਪੈ ਗਿਆ। ਨਿੱਕੇ ਨਿੱਕੇ ਬੱਚੇ ਅਜੇ ਸਕੂਲ ਜਾਣਾ ਸ਼ੁਰੂ ਨਹੀਂ ਕਰਦੇ ਪਰ ਉਨ੍ਹਾਂ ਮਾਂ-ਪਿਉ ਉਨ੍ਹਾਂ ਨੂੰ ਮੋਬਾਇਲ ਪਹਿਲਾਂ ਹੀ ਇਹ ਕਹਿ ਲੈ ਦਿੰਦੇ ਹਨ ਕਿ ਇਹ ਤਾਂ ਅੱਜ ਕੱਲ੍ਹ ਜ਼ਰੂਰੀ ਹੈ!!!!! ਅਸੀਂ ਆਪ ਹੀ ਆਪਣੇ ਬੱਚਿਆ ਨੂੰ ਪਹਿਲਾ ਵਿਗਾੜ ਲੈਂਦੇ ਹਨ ਫਿਰ ਦੋਸ਼ ਦੂਸਰਿਆਂ ਦੇ ਸਿਰ ਮੜ੍ਹ ਦਿੰਦੇ ਹਾਂ। ਜੇ ਮੁੰਡੇ ਕੁੜੀ ਦਾ ਆਪਸ ਵਿੱਚ ਮਿਲਣਾ ਠੀਕ ਹੈ, ਜੇ ਕਾਲਜ ਜਾਂ ਸਕੂਲ ਦੀ ਜਗ੍ਹਾ ਸਿਨੇਮਾ ਦੇਖਣਾ ਠੀਕ ਹੈ, ਜੇ ਘੱਟ ਕੱਪੜੇ ਪਾਉਣਾ ਫੈਸ਼ਨ ਹੈ ਤਾਂ ਫਿਰ ਡਰਨ ਦੀ ਕੀ ਗੱਲ ਹੈ? ਫਿਰ ਆਪਣੇ ਮਾਂ-ਪਿਉ ਤੋਂ ਲੁਕਾਉਣ ਦੀ ਕੀ ਗੱਲ ਹੈ? ਸਾਨੂੰ ਆਪਣੇ ਮਾਂ-ਪਿਉ ਬਾਰੇ ਵੀ ਸੋਚਣਾ ਚਾਹੀਦਾ ਹੈ ਜਿਹੜੇ ਸਾਨੂੰ ਇਨਾ ਪਿਆਰ ਕਰਦੇ ਹਨ। ਜੇ ਸਾਡੇ ਮਾਂ-ਪਿਉ ਨੇ ਸਾਨੂੰ ਅਜ਼ਾਦੀ ਦਿੱਤੀ ਹੈ ਤਾਂ ਉਸ ਦਾ ਸਹੀ ਫਾਇਦਾ ਲਈਏ। ਇਹੋ ਜਿਹੇ ਦਿਨਾਂ ਨੂੰ ਛੱਡ ਕੇ ਆਪ ਮਾਂ-ਪਿਉ ਦੇ ਸੁਪਨਿਆਂ ਨੂੰ ਪੂਰਾ ਕਰੀਏ।
ਇਕ ਨਵੀਂ ਸੋਚ
ਤਜਿੰਦਰ ਵਿਰਲੀ
virli@rediffmail.com
