ਆਕਲੈਂਡ, 19 ਅਗਸਤ – ‘ਡੇਅਰੀ ਐਂਡ ਬਿਜ਼ਨਸ ਆਨਰਜ਼ ਗਰੁੱਪ’ ਦੇ ਚੇਅਰਮੈਨ ਸ੍ਰੀ ਸੰਨੀ ਕੌਸ਼ਲ ਨੇ ਨਿਊਜ਼ੀਲੈਂਡ ‘ਚ ਕੋਵਿਡ -19 ਕਾਰਣ ਲੱਗੇ ਲੌਕਡਾਉਨ ਕਾਰਣ ਬਣੇ ਹਾਲਾਤਾਂ ਨੂੰ ਵੇਖਦੇ ਹੋਏ ਸਰਕਾਰ ਨੂੰ ਦੇਸ਼ ਭਰ ਦੀਆਂ ਡੇਅਰੀਆਂ ਅਤੇ ਸਰਵਿਸ ਸਟੇਸ਼ਨਾਂ ਦੀ ਸੁਰੱਖਿਆ ਦੇ ਨਾਲ ਉਨ੍ਹਾਂ ਉੱਤੇ ਕੰਮ ਕਰਦੇ ਕਰਮਚਾਰੀਆਂ ਲਈ ਟੀਕਾਕਰਣ ਪਹਿਲ ਦੇ ਅਧਾਰ ਉੱਤੇ ਕਰਨ ਦੀ ਅਪੀਲ ਕੀਤੀ ਹੈ।
ਸ੍ਰੀ ਸੰਨੀ ਨੇ ਪ੍ਰੈੱਸ ਨੋਟ ਜਾਰੀ ਕਰਕੇ ਕਿਹਾ ਕਿ ਜੀਵੇਂ ਕਿ ਨਿਊਜ਼ੀਲੈਂਡ ਦੇ ਲਗਭਗ 4,000 ਮਾਲਕਾਂ ਦੁਆਰਾ ਸੰਚਾਲਿਤ ਡੇਅਰੀਆਂ ਅਤੇ ਸਰਵਿਸ ਸਟੇਸ਼ਨ ਮੌਜੂਦਾ ਲੌਕਡਾਉਨ ਦੌਰਾਨ ਜ਼ਰੂਰੀ ਕਾਰੋਬਾਰਾਂ ਵਜੋਂ ਕੰਮ ਕਰ ਰਹੇ ਹਨ, ਉਹ ਕੋਵਿਡ -19 ਟੀਕਾਕਰਣ ਦੀ ਤਰਜੀਹ ਦੇ ਨਾਲ ਨਾਲ ਪੁਲਿਸ ਸਹਾਇਤਾ ਵਧਾਉਣ ਦੀ ਵੀ ਮੰਗ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਮੌਜੂਦਾ ਲੌਕਡਾਉਨ ‘ਚ ਇਨ੍ਹਾਂ ਕਾਰੋਬਾਰਾਂ ਉੱਤੇ ਲੁੱਟ-ਖੋਹ ਦੀਆਂ ਵਾਰਦਾਤਾਂ ਦਾ ਵੀ ਖ਼ਦਸ਼ਾ ਬਣਿਆ ਰਹਿੰਦਾ ਹੈ। ਜਦੋਂ ਕਿ ਛੋਟੇ ਬਿਜ਼ਨਸਨਾਂ ਦੇ ਮਾਲਕ ਹਰ ਰੋਜ਼ ਕੀਵੀਆਂ ਦੀ ਲੋੜਾਂ ਪੂਰੀਆਂ ਕਰਦੇ ਹਨ। ਪਰ ਜਿਵੇਂ ਕਿ ਡਕੈਤੀਆਂ ਭਾਰੀ ਮਾਨਸਿਕ ਪ੍ਰੇਸ਼ਾਨੀ ਅਤੇ ਅਫ਼ਸੋਸ ਜਨਕ ਸੱਟ ਦੇ ਨਾਲ ਨਾਲ ਜਾਇਦਾਦ ਨੂੰ ਨੁਕਸਾਨ ਪਹੁੰਚਾਉਂਦੀਆਂ ਹਨ, ਡਕੈਤੀ ਕਿਸੇ ਵੀ ਡੇਅਰੀ ਨੂੰ ਬੰਦ ਕਰ ਸਕਦੀ ਹੈ ਜਦੋਂ ਕਿ ਕਮਿਊਨਿਟੀ ਨੂੰ ਇਸ ਦੀ ਸਭ ਤੋਂ ਵੱਧ ਜ਼ਰੂਰਤ ਹੁੰਦੀ ਹੈ।
ਉਨ੍ਹਾਂ ਕਿਹਾ ਕਿ ਅਸੀਂ ਪੁਲਿਸ ਨੂੰ ਵਪਾਰਕ ਘੰਟਿਆਂ ਦੌਰਾਨ ਅਤੇ ਖ਼ਾਸ ਕਰਕੇ 24/7 ਕਾਰੋਬਾਰ ਬੰਦ ਹੋਣ ਤੋਂ ਬਾਅਦ ਦੇਰ ਰਾਤ ਤੱਕ ਡੇਅਰੀਆਂ ਅਤੇ ਸਰਵਿਸ ਸਟੇਸ਼ਨਾਂ ‘ਤੇ ਵਧੇਰੇ ਨਜ਼ਰ ਰੱਖਣ ਦੀ ਅਪੀਲ ਕਰਦੇ ਹਾਂ।
ਸ੍ਰੀ ਸੰਨੀ ਨੇ ਕਿਹਾ ਕਿ ਫ਼ਰੰਟ ਲਾਈਨ ਜ਼ਰੂਰੀ ਕਰਮਚਾਰੀਆਂ ਵਾਂਗ ਡੇਅਰੀ ਅਤੇ ਸਰਵਿਸ ਸਟੇਸ਼ਨ ਕਰਮਚਾਰੀਆਂ ਨੂੰ ਕੋਵਿਡ -19 ਟੀਕੇ ਲਗਾਉਣ ਲਈ ਤਰਜੀਹ ਦਿੱਤੀ ਜਾਣੀ ਚਾਹੀਦੀ ਹੈ। ਉਨ੍ਹਾਂ ਕਿਹਾ ਸੁਪਰਮਾਰਕੀਟਾਂ ਬਾਰੇ ਬਹੁਤ ਚਰਚਾ ਹੋਈ ਹੈ, ਫਿਰ ਵੀ ਡੇਅਰੀਆਂ ਸੁਪਰਮਾਰਕੀਟਾਂ ਦੀ ਗ਼ੈਰ-ਜ਼ਰੂਰੀ ਯਾਤਰਾ ਨੂੰ ਰੋਕਣ ਵਿੱਚ ਸਹਾਇਤਾ ਕਰਨ ਦੇ ਬਾਵਜੂਦ। ਇਸ ਲਈ ਡੇਅਰੀਆਂ ਅਤੇ ਸਰਵਿਸ ਸਟੇਸ਼ਨ ਸਿਰਫ਼ ਕੋਵਿਡ ਲਈ ਨਹੀਂ ਹਨ, ਅਸੀਂ ਕਾਮਰਸ ਕਮਿਸ਼ਨ ਨੂੰ ਇਹ ਦੱਸਣ ਜਾ ਰਹੇ ਹਾਂ ਕਿ ਅਸੀਂ ਕੀਵੀ ਨੂੰ ਬਹੁਤ ਸਸਤਾ ਸਾਮਾਨ ਦੇ ਸਕਦੇ ਹਾਂ ਜੇ ਉਹ ਅਸਲ ਸੁਪਰਮਾਰਕੀਟ ਰਿਫੌਰਮ ਕਰਦੇ ਹਨ।
ਉਨ੍ਹਾਂ ਕਿਹਾ ਕਿ ਟੈਕਸਦਾਤਿਆਂ ਦੇ ਪੈਸੇ ਖ਼ਰਚ ਕੇ ਇੱਥੇ ਨਵੀਂ ਸੁਪਰਮਾਰਕੀਟ ਚੇਨ ਸਥਾਪਿਤ ਕਰਨ ਦੀ ਬਜਾਏ, ਕਾਮਰਸ ਕਮਿਸ਼ਨ ਨੂੰ ਗਰੌਸਰੀ ਦੇ ਥੋਕ, ਵਿਤਰਣ ਅਤੇ ਲੌਜਿਸਟਿਕਸ ਉੱਤੇ ਸੁਪਰਮਾਰਕੀਟ ਦੀ ਪਕੜ ਉੱਤੇ ਧਿਆਨ ਕੇਂਦਰਿਤ ਕਰਨ ਦੀ ਜ਼ਰੂਰਤ ਹੈ।
ਸ੍ਰੀ ਸੰਨੀ ਕੌਸ਼ਲ ਨੇ ਕਿਹਾ ਕਿ ਸੁਰੱਖਿਆ, ਵੈਕਸੀਨੇਸ਼ਨ ਅਤੇ ਗਰੌਸਰੀ ਵਿੱਚ ਸੁਧਾਰ ਡੇਅਰੀਆਂ ਨੂੰ 5 ਮਿਲੀਅਨ ਦੀ ਅਬਾਦੀ ਵਾਲੇ ਦੇਸ਼ ਦੀ ਸੇਵਾ ਕਰਦੇ ਰਹਿਣ ਵਿੱਚ ਸਹਾਇਤਾ ਕਰਨਗੇ, ਨਾ ਸਿਰਫ਼ ਹੁਣ, ਬਲਕਿ ਇਸ ਤਾਲਾਬੰਦੀ ਦੇ ਖ਼ਤਮ ਹੋਣ ਤੋਂ ਬਾਅਦ ਵੀ ਸੇਵਾ ਕਰਨਗੇ।
