ਪਾਪਾਟੋਏਟੋਏ, 25 ਮਈ (ਕੂਕ ਪੰਜਾਬੀ ਸਮਾਚਾਰ) – ਇੱਥੇ ਸਥਿਤ ਗੁਰਦੁਆਰਾ ਸ੍ਰੀ ਦਸਮੇਸ਼ ਦਰਬਾਰ, ਕੋਲਮਰ ਰੋਡ ਵਿਖੇ 23 ਮਈ ਦਿਨ ਐਤਵਾਰ ਨੂੰ ਹਫ਼ਤਾਵਾਰੀ ਸਮਾਗਮ ਵਿੱਚ ਮੈਰਾਥਨ ਦੌੜਾਕ 81 ਸਾਲਾ ਸ. ਬਲਬੀਰ ਸਿੰਘ ਬਸਰਾ ਨੂੰ ਸਨਮਾਨਿਤ ਕੀਤਾ ਗਿਆ। ਐਨਜ਼ੈੱਡ ਫ਼ਸਟ ਪਾਰਟੀ ਦੇ ਸਾਬਕਾ ਲਿਸਟ ਸਾਂਸਦ ਸ੍ਰੀ ਮਹੇਸ਼ ਬਿੰਦਰਾ ਹੋਣਾ ਨੇ ਦੌੜਾਕ ਸ. ਬਸਰਾ ਦਾ ਸਨਮਾਨ ਕੀਤਾ। ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਵੱਲੋਂ ਕਰਵਾਏ ਸਨਮਾਨ ਸਮਾਗਮ ‘ਚ ਸ੍ਰੀ ਮਹੇਸ਼ ਬਿੰਦਰਾ ਵੀ ਪਹੁੰਚੇ ਹੋਏ ਸਨ।
ਸ੍ਰੀ ਬਿੰਦਰਾ ਨੇ ਕਿਹਾ ਕਿ ਮੈਰਾਥਨ ਦੌੜਾਕ ਸ. ਬਲਬੀਰ ਸਿੰਘ ਬਸਰਾ ਨੇ 21 ਕਿੱਲੋਮੀਟਰ ਰੋਟਰੂਆ ਮੈਰਾਥਨ ਦੌੜ ਨੂੰ 2 ਘੰਟੇ ਤੇ 40 ਮਿੰਟ ਵਿੱਚ ਪੂਰਾ ਕੀਤਾ ਅਤੇ 21.1 ਕਿੱਲੋਮੀਟਰ ਹੰਟਲੀ ਮੈਰਾਥਨ ਦੌੜ ਨੂੰ 2 ਘੰਟੇ ਤੇ 25 ਮਿੰਟ ਵਿੱਚ ਪੂਰਾ ਕਰਕੇ ਕੀਵੀ ਪੰਜਾਬੀ ਤੇ ਭਾਰਤੀ ਭਾਈਚਾਰੇ ਦਾ ਮਾਣ ਵਧਾਇਆ। ਉਨ੍ਹਾਂ ਨੂੰ ਸਨਮਾਨਿਤ ਕਰਕੇ ਅੱਜ ਬਹੁਤ ਖ਼ੁਸ਼ੀ ਮਹਿਸੂਸ ਹੋਈ ਹੈ।
