ਵੈਲਿੰਗਟਨ, 20 ਅਗਸਤ – ਨਿਊਜ਼ੀਲੈਂਡ ‘ਚ ਕੋਵਿਡ -19 ਦੇ ਕਮਿਊਨਿਟੀ ਨਾਲ ਸੰਬੰਧਿਤ 11 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਇਸ ਨਾਲ ਮੌਜੂਦਾ ਆਕਲੈਂਡ ਕਮਿਊਨਿਟੀ ਦੇ ਪ੍ਰਕੋਪ ਨਾਲ ਜੁੜੇ ਮਾਮਲਿਆਂ ਦੀ ਕੁੱਲ ਸੰਖਿਆ 31 ਹੋ ਗਈ ਹੈ। ਇਨ੍ਹਾਂ ਸਾਰੇ ਮਾਮਲਿਆਂ ਨੂੰ ਮੈਨੇਜਡ ਆਈਸੋਲੇਸ਼ਨ ਸਹੂਲਤ ਵਿੱਚ ਸੁਰੱਖਿਅਤ ਭੇਜਿਆ ਜਾ ਰਿਹਾ ਹੈ। ਇਨ੍ਹਾਂ 11 ਨਵੇਂ ਮਾਮਲਿਆਂ ਵਿੱਚੋਂ 8 ਆਕਲੈਂਡ ‘ਚੋਂ ਅਤੇ 3 ਰਾਜਧਾਨੀ ਵੈਲਿੰਗਟਨ ਵਿੱਚੋਂ ਸਾਹਮਣੇ ਆਏ ਹਨ। ਵੈਲਿੰਗਟਨ ਦੇ 3 ਕੇਸਾਂ ਨੇ ਹਾਲ ਹੀ ਵਿੱਚ ਆਕਲੈਂਡ ਦੀ ਯਾਤਰਾ ਕੀਤੀ ਸੀ ਅਤੇ ਉੱਥੇ ਕੋਵਿਡ ਨਾਲ ਜੁੜੀਆਂ ਦਿਲਚਸਪ ਸਥਾਨਾਂ ਦਾ ਦੌਰਾ ਕੀਤਾ ਸੀ।
ਏਅਰ ਨਿਊਜ਼ੀਲੈਂਡ ਦੇ ਚਾਲਕ ਦਲ ਦੇ ਮੈਂਬਰ, ਜਿਸ ਦੀ ਕੱਲ੍ਹ ਰਿਪੋਰਟ ਕੀਤੀ ਗਈ ਸੀ, ਦੀ ਪੁਸ਼ਟੀ ਹੁਣ ਸਰਹੱਦ ਨਾਲ ਸੰਬੰਧਿਤ ਕੇਸ ਵਜੋਂ ਕੀਤੀ ਗਈ ਹੈ ਅਤੇ ਇਹ ਆਕਲੈਂਡ ਦੇ ਪ੍ਰਕੋਪ ਨਾਲ ਨਹੀਂ ਜੁੜਿਆ ਹੋਇਆ ਹੈ, ਜੋ ਪੂਰੇ ਜੀਨੋਮ ਸੀਕਿਯੂਐਂਸਿੰਗ ਦੇ ਨਤੀਜਿਆਂ ਦੇ ਅਧਾਰ ‘ਤੇ ਹੈ। ਹੁਣ 19 ਕੇਸਾਂ ਦੀ ਪੁਸ਼ਟੀ ਆਕਲੈਂਡ ਆਊਟਬ੍ਰੇਕ ਦੇ ਹਿੱਸੇ ਵਜੋਂ ਕੀਤੀ ਗਈ ਹੈ, ਬਾਕੀ 12 ਦੇ ਆਊਟਬ੍ਰੇਕ ਨਾਲ ਸੰਬੰਧ ਦੀ ਪੁਸ਼ਟੀ ਜਾਂਚ ਅਧੀਨ ਹੈ। ਸ਼ੁਰੂਆਤੀ ਮੁਲਾਂਕਣ ਦਿਖਾਉਂਦਾ ਹੈ ਕਿ ਜ਼ਿਆਦਾਤਰ ਮਾਮਲਿਆਂ ਵਿੱਚ ਇੱਕ ਸਾਰਥਕ ਲਿੰਕ ਹੈ।
ਇਸ ਤੋਂ ਇਲਾਵਾ ਮੈਨੇਜਡ ਆਈਸੋਲੇਸ਼ਨ ਸਹੂਲਤ ਵਿੱਚੋਂ ਦੇਸ਼ ਵਾਪਸ ਆਏ ਲੋਕਾਂ ਦੇ 2 ਨਵੇਂ ਕੇਸ ਹਨ। ਕੱਲ੍ਹ ਪੂਰੇ ਦੇਸ਼ ਵਿੱਚ 27,899 ਟੈੱਸਟ ਕੀਤੇ ਗਏ। ਆਕਲੈਂਡ ਦੇ ਟੈਸਟਿੰਗ ਸੈਂਟਰਾਂ ਵਿੱਚ ਉਨ੍ਹਾਂ ਦਾ ਹੁਣ ਤੱਕ ਦਾ ਸਭ ਤੋਂ ਵਿਅਸਤ ਦਿਨ ਸੀ, 50 ਪ੍ਰਤੀਸ਼ਤ ਤੋਂ ਵੱਧ ਰਿਹਾ। ਕੱਲ੍ਹ ਆਕਲੈਂਡ ਵਿੱਚ 24,000 ਤੋਂ ਵੱਧ ਕਮਿਊਨਿਟੀ ਟੈੱਸਟ ਕੀਤੇ ਗਏ ਸਨ। ਕਮਿਊਨਿਟੀ ਟੈਸਟਿੰਗ ਸੈਂਟਰਾਂ ਵਿੱਚ 8,000 ਤੋਂ ਵੱਧ ਅਤੇ ਜਨਰਲ ਪ੍ਰੈਕਟਿਸ ਅਤੇ ਅਰਜੈਂਟ ਕੇਅਰ ਕਲੀਨਿਕਾਂ ਵਿੱਚ ਲਗਭਗ 16,000 ਟੈੱਸਟ ਕੀਤੇ ਗਏ। ਇਨ੍ਹਾਂ ਸਥਾਨਾਂ ਉੱਤੇ ਪੁਲਿਸ ਤੇ ਟ੍ਰੈਫਿਕ ਦੇ ਪ੍ਰਵਾਹ ਦਾ ਪ੍ਰਬੰਧ ਸੁਚਾਰੂ ਚਲਾਉਣ ਵਿੱਚ ਸਹਾਇਤਾ ਕਰ ਰਹੀ ਸੀ।
ਸਿਹਤ ਮੰਤਰਾਲੇ ਨੇ ਦੇਸ਼ ਦੀ ਜਨਤਾ ਨੂੰ ਦਿੱਤੀਆਂ ਗਈਆਂ ਲੁਕੇਸ਼ਨਾਂ ਦੇ ਨਾਲ-ਨਾਲ ਨਵੀਂ ਦਿੱਤੀਆਂ ਜਾ ਰਹੀਆਂ ਲੁਕੇਸ਼ਨਾਂ ਉੱਤੇ ਨਜ਼ਰ ਰੱਖਣ ਦੀ ਅਪੀਲ ਕੀਤੀ ਹੈ ਅਤੇ ਕਿਹਾ ਕਿ ਜੇ ਕੋਈ ਪ੍ਰਾਬਲਮ ਆਉਂਦੀ ਹੈ ਤਾਂ ਆਪਣੇ ਜੀਪੀ ਜਾਂ ਹੈਲਥਲਾਈਨ ਉੱਤੇ ਸੰਪਰਕ ਕਰੋ।
