ਆਕਲੈਂਡ, 15 ਦਸੰਬਰ – ਸੁਪਰੀਮ ਸਿੱਖ ਸੋਸਾਇਟੀ ਵੱਲੋਂ ਬੱਚਿਆਂ ਲਈ ਹਰ ਸਾਲ ਦੀ ਤਰ੍ਹਾਂ ‘ਸਿੱਖ ਚਿਲਡਰਨ ਡੇਅ 2022’ ਇਸ ਵਾਰ 3 ਤੇ 4 ਜਨਵਰੀ ਨੂੰ ਗੁਰਦੁਆਰਾ ਸ੍ਰੀ ਕਲਗੀਧਰ ਸਾਹਿਬ ਤਾਕਾਨੀਨੀ ਵਿਖੇ ਕਰਵਾਇਆ ਜਾ ਰਿਹਾ ਹੈ। ਇਸ ਵਿੱਚ ਕਵਿਤਾ, ਸਪੀਚ, ਗੁਰਬਾਣੀ ਕੰਠ, ਸਿੱਖ ਆਰਟ, ਲੇਖ, ਕਵੀਸ਼ਰੀ, ਗੱਤਕਾ, ਦਸਤਾਰ ਬੰਦੀ ਮੁਕਾਬਲਿਆਂ ਤੋਂ ਇਲਾਵਾ ਹੋਰ ਬਹੁਤ ਕੁੱਝ ਹੋਵੇਗਾ। ਪ੍ਰਬੰਧਕਾਂ ਦਾ ਕਹਿਣਾ ਹੈ ਕਿ ਇਸ ਵਰ੍ਹੇ ਬੱਚਿਆਂ ਨੂੰ ਤਿਆਰੀ ਲਈ ਸਮਾਂ ਨਾ ਮਿਲਣ ਕਰਕੇ ਸਾਰੇ ਹੀ ਭਾਗ ਲੈਣ ਵਾਲੇ ਬੱਚਿਆਂ ਨੂੰ ਇਨਾਮ ਵੰਡੇ ਜਾਣਗੇ। ਸਾਰੇ ਬੱਚਿਆਂ ਨੂੰ ਬੈਗ ਅਤੇ ਗਿਫ਼ਟ ਦਿੱਤੇ ਜਾਣਗੇ।
ਇਨ੍ਹਾਂ ਮੁਕਾਬਲਿਆਂ ਵਿੱਚ ਭਾਗ ਲੈਣ ਲਈ ਐਨਰੋਲਮੈਂਟ ਦੀ ਆਖ਼ਰੀ ਤਰੀਕ 25 ਦਸੰਬਰ 2021 ਰੱਖੀ ਗਈ ਹੈ, ‘ਸਿੱਖ ਚਿਲਡਰਨ ਡੇਅ 2022’ ਵਿੱਚ ਭਾਗ ਲੈਣ ਦੇ ਇੱਛੁਕ ਬੱਚੇ ਇਸ ਤਰੀਕ ਤੱਕ ਫਾਰਮ ਭਰ ਕੇ ਭਾਗ ਲੈ ਸਕਦੇ ਹਨ। ਇਨ੍ਹਾਂ ਮੁਕਾਬਲਿਆਂ ਵਿੱਚ ਭਾਗ ਲੈਣ ਸੰਬੰਧੀ ਤੁਸੀਂ ਜਨਰਲ ਜਾਣਕਾਰੀ 021 289 8410 ਤੇ ਮਨਜਿੰਦਰ ਸਿੰਘ ਤੋਂ 021 027 18560 ਉੱਤੇ ਗੱਲ ਕਰਕੇ ਪ੍ਰਾਪਤ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਈਵੈਂਟ ਕੋਆਰਡੀਨੇਟਰ ਮਨਦੀਪ ਕੌਰ ਮਿਨਹਾਸ ਨਾਲ 021 174 3412 ਅਤੇ ਕਮਨਜੋਤ ਕੌਰ ਨਾਲ 027 538 6659, ਲੰਗਰ ਦੀ ਸੇਵਾ ਹਰਦੀਪ ਸਿੰਘ 021 798 011, ਕੀਰਤਨ ਬਾਰੇ ਜਾਣਕਾਰੀ ਲਈ ਮਨਜੀਤ ਸਿੰਘ ਨਾਲ 021 595 941, ਸਪੋਰਟਸ ਲਈ ਹਰਿੰਦਰ ਸੰਘਾ ਨਾਲ 029 264 2103 ਅਤੇ ਦਿਲਰਾਜ ਕੌਰ ਨਾਲ 027 579 0713 ਉੱਤੇ ਗੱਲ ਕਰ ਸਕਦੇ ਹੋ।
