ਆਕਲੈਂਡ, 16 ਅਪ੍ਰੈਲ – ਕੁਈਨਜ਼ਟਾਊਨ ਵਿਖੇ ਹੋਏ ਇੱਕ ਕਾਰ ਹਾਦਸੇ ਦੌਰਾਨ 27 ਸਾਲਾ ਪੰਜਾਬੀ ਮੁੰਡੇ ਦੀ ਮੌਤ ਹੋ ਗਈ ਉਹ ਆਪਣੇ ਮਾਪਿਆਂ ਦਾ ਇਕਲੌਤਾ ਪੁੱਤਰ ਸੀ। ਜਿਸ ਵੇਲੇ ਇਹ ਹਾਦਸਾ ਵਾਪਰਿਆ ਉਸ ਨਾਲ ਇੱਕ ਹੋਰ ਮੁੰਡਾ ਵੀ ਸੀ, ਜੋ ਗੰਭੀਰ ਹਾਲਤ ਵਿੱਚ ਇਸ ਵੇਲੇ ਹਸਪਤਾਲ ‘ਚ ਦਾਖ਼ਲ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਕਾਰ ਹਾਦਸਾ ਕੁਈਨਜ਼ਟਾਊਨ ਦੇ ਜੈਕ ਪੁਆਇੰਟ ਕਿੰਗਸਟਨ ਰੋਡ ਉੱਤੇ ਹੋਇਆ। ਮ੍ਰਿਤ ਪੰਜਾਬੀ ਨੌਜਵਾਨ ਦਾ ਪਿਛੋਕੜ ਪੰਜਾਬ ਦੇ ਇਲਾਕੇ ਆਦਮਪੁਰ ਨਾਲ ਸੰਬੰਧਿਤ ਦੱਸਿਆ ਜਾ ਰਿਹਾ ਹੈ। ਭਾਈਚਾਰੇ ਵੱਲੋਂ ਮ੍ਰਿਤਕ ਸਰੀਰ ਨੂੰ ਪੰਜਾਬ ਭੇਜਣ ਦੀ ਕੋਸ਼ਿਸ਼ਾਂ ਕੀਤੀ ਜਾ ਰਹੀਆਂ ਹਨ।
