ਦੁਬਈ, 11 ਮਈ – ਦੁਬਈ ਵਿੱਚ ਰਹਿਣ ਵਾਲੇ ਇੱਕ ਭਾਰਤੀ ਯੋਗ ਅਧਿਆਪਕ ਨੇ ਇੱਕ ਅਜਿਹਾ ਕਾਰਨਾਮਾ ਕੀਤਾ ਹੈ ਜੋ ਗਿਨੀਜ਼ ਵਰਲਡ ਰਿਕਾਰਡ ਵਿੱਚ ਦਰਜ ਹੋ ਗਿਆ। 22 ਸਾਲਾ ਯੋਗ ਇੰਸਟਰਕਟਰ ਜਸ ਮੋਰਾਦਿਆ ਨੇ ਆਪਣੇ ਪੈਰਾਂ ਨੂੰ ਉੱਤੇ ਕਰਕੇ ਸਭ ਤੋਂ ਲੰਮੀ ਮਿਆਦ ਤੱਕ ‘ਵ੍ਰਸ਼ਚਿਕਾਸਨ’ ਕਰਨ ਦਾ ਰਿਕਾਰਡ ਬਣਾਇਆ ਹੈ। ਉਹ 29 ਮਿੰਟ ਅਤੇ 4 ਸੈਕੰਡ ਤੱਕ ਉਹ ਇਸ ਮੁਦਰਾ ਵਿੱਚ ਰਿਹਾ, ਜਿਸ ਵਿੱਚ ਉਸ ਦਾ ਸਿਰ ਹੇਠਾਂ ਅਤੇ ਪੈਰ ਉੱਤੇ ਸੀ। ਬਿੱਛੂ ਦੇ ਡੰਕ ਦੀ ਤਰ੍ਹਾਂ ਉਸ ਦੇ ਪੈਰ ਮੁੜੇ ਹੋਏ ਸੀ।
ਯੂਏਈ ਵਿੱਚ ਰਹਿਣ ਵਾਲੇ ਭਾਰਤੀ ਜਸ ਮੋਰਾਦਿਆ ਨੇ 29 ਮਿੰਟ ਅਤੇ 4 ਸੈਕੰਡ ਤੱਕ ‘ਵ੍ਰਸ਼ਚਿਕਾਸਨ’ ਕਰਕੇ ਨਵਾਂ ਵਰਲਡ ਰਿਕਾਰਡ ਬਣਾ ਦਿੱਤਾ ਹੈ। ਉਸ ਨੇ 4 ਮਿੰਟ ਅਤੇ 47 ਸੈਕੰਡ ਦੇ ਵਰਲਡ ਰਿਕਾਰਡ ਨੂੰ ਤੋੜ ਦਿੱਤਾ। ਜਸ ਮੋਰਾਦਿਆ 5 ਸਾਲਾਂ ਤੋਂ ਇਸ ਉਪਲਬਧੀ ਨੂੰ ਪ੍ਰਾਪਤ ਕਰਨ ਦੀ ਤਿਆਰੀ ਕਰ ਰਿਹਾ ਸੀ। ਉਸ ਨੇ ਕਿਹਾ ਕਿ ਉਸ ਦਾ ਸੁਫ਼ਨਾ ਯੋਗ ਦੇ ਮਹੱਤਵ ਦੀ ਜਾਗਰੂਕਤਾ ਵਧਾਉਣ ਲਈ ਵਰਲਡ ਰਿਕਾਰਡ ਬਣਾਉਣਾ ਸੀ ।
8 ਸਾਲ ਦੀ ਉਮਰ ਤੋਂ ਕਰ ਰਿਹਾ ਹੈ ਯੋਗ
ਜਸ ਮੋਰਾਦਿਆ ਨੇ ਇੰਨੀ ਦੇਰ ਤੱਕ ਇਸ ਮੁਦਰਾ ਵਿੱਚ ਰਹਿਣ ਨੂੰ ਲੈ ਕੇ ਕਿਹਾ ਕਿ ਇਹ ਪੂਰੀ ਖੇਡ ਮਾਨਸਿਕ ਸ਼ਕਤੀ ਦਾ ਹੈ। ਸ਼ੁਰੂਆਤੀ 5 ਮਿੰਟ ਵਿੱਚ ਦਿਮਾਗ਼ ਨੂੰ ਸਥਿਰ ਕਰਨ ਦੀ ਜ਼ਰੂਰਤ ਹੈ। ਕਿਉਂਕਿ ਇਸ ਮੁਦਰਾ ਵਿੱਚ ਜਾਣ ਦੇ ਬਾਅਦ ਹੀ ਮੇਰਾ ਸਰੀਰ ਤੁਰੰਤ ਕੰਬਣ ਲਗਾ। ਪਰ ਦਿਮਾਗ਼ ਸ਼ਾਂਤ ਕਰਨ ਦੇ ਬਾਅਦ ਸਰੀਰ ਵੀ ਸ਼ਾਂਤ ਹੋ ਗਿਆ। ਧਿਆਨ ਕੇਂਦਰਿਤ ਕਰਕੇ ਹੀ ਇੰਨੀ ਦੇਰ ਤੱਕ ਮੈਂ ਇਹ ਕਰ ਸਕਿਆ। ਜ਼ਿਕਰਯੋਗ ਹੈ ਕਿ 8 ਸਾਲ ਦੀ ਉਮਰ ਤੋਂ ਹੀ ਜਸ ਯੋਗ ਕਰ ਰਿਹਾ ਹੈ। ਉਸ ਨੇ ਕਿਹਾ ਕਿ ਮੈਡੀਟੇਸ਼ਨ ਯਾਨੀ ਧਿਆਨ ਉਨ੍ਹਾਂ ਦੇ ਸਭ ਤੋਂ ਕੰਮ ਆਇਆ ਹੈ।
