ਜਕਾਰਤਾ, 23 ਮਈ – ਅੱਜ ਇੱਥੇ ਏਸ਼ੀਆ ਕੱਪ ਹਾਕੀ ਵਿੱਚ ਆਪਣਾ ਪਹਿਲਾ ਮੈਚ ਖੇਡ ਰਹੇ ਰਵਾਇਤੀ ਵਿਰੋਧੀ ਭਾਰਤ ਤੇ ਪਾਕਿਸਤਾਨ ਵਿਚਾਲੇ ਮੈਚ 1-1 ਨਾਲ ਬਰਾਬਰੀ ‘ਤੇ ਰਿਹਾ। ਭਾਰਤ ਵੱਲੋਂ ਸੇਵਲਮ ਕਾਰਤੀ ਨੇ ਮੈਚ ਦੇ 8ਵੇਂ ਮਿੰਟ ‘ਚ ਦੂਜੇ ਪੈਨਲਟੀ ਕਾਰਨਰ ਨੂੰ ਗੋਲ ਵਿੱਚ ਤਬਦੀਲ ਕਰਕੇ 1-0 ਦੀ ਬੜ੍ਹਤ ਦਿਵਾਈ। ਪਰ ਪਾਕਿਸਤਾਨ ਨੇ ਮੈਚ ਖ਼ਤਮ ਹੋਣ ਤੋਂ ਦੋ ਮਿੰਟ ਪਹਿਲਾਂ ਗੋਲ ਕਰਕੇ ਮੈਚ ਬਰਾਬਰੀ ‘ਤੇ ਲਿਆ ਦਿੱਤਾ। ਪਾਕਿਸਤਾਨ ਲਈ ਰਾਣਾ ਅਬਦੁਲ ਨੇ ਗੋਲ ਕੀਤਾ।
ਇਸ ਤੋਂ ਪਹਿਲਾਂ ਏਸ਼ੀਆ ਕੱਪ ਹਾਕੀ ਦੇ ਅੱਜ ਪਹਿਲੇ ਦਿਨ ਜੀਬੀਕੇ ਏਰੀਨਾ ਵਿੱਚ ਮਲੇਸ਼ੀਆ ਤੇ ਦੱਖਣੀ ਕੋਰੀਆ ਨੇ ਜੇਤੂ ਸ਼ੁਰੂਆਤ ਕੀਤੀ ਹੈ। ਮਲੇਸ਼ੀਆ ਨੇ ਓਮਾਨ ਨੂੰ 7-0 ਜਦੋਂ ਕਿ ਦੱਖਣੀ ਕੋਰੀਆ ਨੇ ਬੰਗਲਾਦੇਸ਼ ਨੂੰ 6-1 ਨਾਲ ਹਰਾਇਆ।
