ਆਕਲੈਂਡ, 5 ਜੁਲਾਈ – 9 ਜੁਲਾਈ ਦਿਨ ਸ਼ਨਿਚਰਵਾਰ ਨੂੰ ਪਾਪਾਟੋਏਟੋਏ ਵਿਖੇ ਐੱਸਬੀਐੱਸ ਸਪੋਰਟਸ ਐਂਡ ਕਲਚਰਲ ਕਲੱਬ ਵੱਲੋਂ ਮਹਿਲਾਵਾਂ ਵਾਸਤੇ ‘ਤੀਆਂ ਤੀਜ ਦੀਆਂ – ਲੇਡੀਜ਼ ਨਾਈਟ ਇੰਨ ਆਕਲੈਂਡ’ ਕਰਵਾਈ ਜਾ ਰਹੀ ਹੈ। ਇਹ ਲੇਡੀਜ਼ ਨਾਈਟ ਪਾਪਾਟੋਏਟੋਏ ਵਿਖੇ ਨਵੇਂ ਬਣੇ ‘ਸਵਾਮੀ ਨਰਾਇਣ ਕੰਪਲੈਕਸ’ ਵਿੱਚ ਸ਼ਾਮੀ 6.30 ਵਜੇ ਤੋਂ ਆਰੰਭ ਹੋ ਕੇ ਦੇਰ ਰਾਤ ਤੱਕ ਚੱਲੇਗੀ।। ਜਿਸ ਵਿੱਚ ਗਿੱਧਾ, ਭੰਗੜਾ, ਬਾਲੀਵੁੱਡ ਡਾਂਸ ਅਤੇ ਕਈ ਹੋਰ ਸਭਿਆਚਾਰਕ ਵੰਨਗੀਆਂ ਤੋਂ ਇਲਾਵਾ ਲਾਈਵ ਡੀਜ਼ੇ ਵੱਜੇਗਾ।
ਲੇਡੀਜ਼ ਨਾਈਟ ਦੇ ਪ੍ਰਬੰਧਕਾਂ ਵੱਲੋਂ ਜਿੱਥੇ ਕੁੱਝ ਵਿਸ਼ੇਸ਼ ਸਨਮਾਨ ਕੀਤੇ ਜਾਣੇ ਹਨ ਉੱਥੇ ਨਾਲ ਹੀ ਲੇਡੀਜ਼ ਨਾਈਟ ਵਿੱਚ ਆਉਣ ਵਾਲੀਆਂ ਮਹਿਲਾਵਾਂ ਲਈ ਕਈ ਇਨਾਮ ਵੀ ਦਿੱਤੇ ਜਾਣਗੇ। ਜਿਨ੍ਹਾਂ ‘ਚ ਇੰਡੋ ਸਪਾਈਸ ਵੱਲੋਂ 2 ਜੋੜੇ ਸੋਨੇ ਦੀਆਂ ਵਾਲੀਆ, ਸ਼ਮਿੰਦਰ ਕੌਰ ਬੈਂਸ ਵੱਲੋਂ 1 ਜੋੜਾ ਵਾਲੀਆ, ਪੰਜਾਬੀਅਤ ਵੱਲੋਂ ਗਿਫ਼ਟ ਵਾਊਚਰ, ਬਲਤੇਜ ਸਿੰਘ ਅਗਵਾਨ ਵੱਲੋਂ 100-100i ਡਾਲਰ ਦੇ ਗਿਫ਼ਟ ਵਾਊਚਰ, ABLE Beauty ਵੱਲੋਂ ਤਿੰਨ ਗਿਫ਼ਟ ਵਾਊਚਰ ਦਿੱਤੇ ਜਾਣਗੇ।
ਜ਼ਿਕਰਯੋਗ ਹੈ ਕਿ ‘ਤੀਆਂ ਤੀਜ ਦੀਆਂ – ਲੇਡੀਜ਼ ਨਾਈਟ ਇੰਨ ਆਕਲੈਂਡ’ ਈਵੈਂਟ ਸ਼ਰਨਦੀਪ ਸਿੰਘ ਅਤੇ ਹਰਮੀਕ ਸਿੰਘ ਦੀ ‘ਰਾਈਟ ਆਈਡੀਆ ਪ੍ਰੋਡਕਸ਼ਨ’ ਦੀ ਦੇਖ-ਰੇਖ ਹੇਠ ਆਯੋਜਿਤ ਕੀਤੀ ਜਾ ਰਹੀ ਹੈ। ਲੇਡੀਜ਼ ਨਾਈਟ ਬਾਰੇ ਸ਼ਰਨਦੀਪ ਅਤੇ ਹਰਮੀਕ ਕਿਹਾ ਕਿ ਇਸ ‘ਲੇਡੀਜ਼ ਨਾਈਟ’ ਨੂੰ ਲੈ ਕੇ ਬੀਬੀਆਂ, ਭੈਣਾਂ ਵਿੱਚ ਉਤਸ਼ਾਹ ਵੇਖਣ ਨੂੰ ਮਿਲ ਰਿਹਾ ਹੈ, ਉਨ੍ਹਾਂ ਕਿਹਾ ਕੇ ਆਕਲੈਂਡ ਤੋ ਬਾਹਰੋਂ ਵੀ ਉਨ੍ਹਾਂ ਨੂੰ ਟਿਕਟਾਂ ਸਬੰਧੀ ਫ਼ੋਨ ਆ ਰਹੇ ਹਨ ਅਤੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਆਕਲੈਂਡ ਵਿੱਚ ਟਿਕਟਾਂ ਇੰਡੋ ਸਪਾਈਸ (ਪਾਪਾਟੋਏਟੋਏ, ਮੈਨੁਰੇਵਾ) ਅਤੇ ਡਐੱਚ ਸੁਪਰਮਾਰਕੀਟ ਪਾਪਾਟੋਏਟੋਏ ਤੋਂ ਪ੍ਰਾਪਤ ਕੀਤੀਆਂ ਜਾ ਸਕਦੀਆਂ ਹਨ।
ਇਸ ਈਵੈਂਟ ਸੰਬੰਧੀ ਹੋਰ ਵਧੇਰੇ ਜਾਣਕਾਰੀ ਤੁਸੀਂ ਸ਼ਰਨਦੀਪ ਸਿੰਘ ਨਾਲ 021 029 79245 ਅਤੇ ਹਰਮੀਕ ਸਿੰਘ ਨਾਲ 021 022 07509 ‘ਤੇ ਸੰਪਰਕ ਕਰਕੇ ਪ੍ਰਾਪਤ ਕਰ ਸਕਦੇ ਹੋ।
