ਆਕਲੈਂਡ, 17 ਨਵੰਬਰ – ਪੰਜਾਬੀ ਗਾਇਕ ਗੈਰੀ ਸੰਧੂ ਨਿਊਜ਼ੀਲੈਂਡ ਦੇ ਸ਼ਹਿਰ ਆਕਲੈਂਡ ‘ਚ 19 ਨਵੰਬਰ ਨੂੰ ਆਪਣੀ ਗਾਇਕੀ ਦੀ ਪੇਸ਼ਕਾਰੀ ਦੇਣ ਲਈ ਪਹੁੰਚ ਚੁੱਕੇ ਹਨ। ਇਹ ਸੰਗੀਤਕ ਪ੍ਰੋਗਰਾਮ ਬਿੱਗ ਬ੍ਰਦਰਜ਼ ਪ੍ਰੋਡਕਸ਼ਨ ਅਤੇ ਬਲਤੇਜ ਸਿੰਘ ਵੱਲੋਂ ‘ਗੈਰੀ ਸੰਧੂ ਆਕਲੈਂਡ ਲਾਈਵ’ ਦੇ ਨਾਮ ‘ਤੇ ਮੈਨੂਕਾਓ ਦੇ ਵੋਡਾਫੋਨ ਈਵੈਂਟ ਸੈਂਟਰ ਵਿਖੇ ਕਰਵਾਇਆ ਜਾ ਰਿਹਾ ਹੈ।
ਬੀਤੇ ਕੱਲ੍ਹ ਗਾਇਕ ਗੈਰੀ ਸੰਧੂ ਤੇ ਗਾਇਕ ਸੱਜਣ ਅਦੀਬ ਦੇ ਨਾਲ ਮੀਟ ਐਂਡ ਗ੍ਰੀਟ ਸਮਾਗਮ ਮੈਨੂਕਾਓ ਦੇ ਟੈਕਸਾਜ ਸਮੋਕਹਾਊਸ ਵਿਖੇ ਪ੍ਰਬੰਧਕਾਂ ਵੱਲੋਂ ਰੱਖਿਆ ਗਿਆ ਸੀ, ਜਿਸ ਵਿੱਚ ਸ਼ੋਅ ਦੇ ਸਪਾਂਸਰਜ਼ ਅਤੇ ਸਥਾਨਕ ਮੀਡੀਆ ਕਰਮੀਆਂ ਨੂੰ ਸੱਦਿਆ ਗਿਆ ਸੀ। ਦੋਵੇਂ ਗਾਇਕ ਹਾਜ਼ਰ ਸਰੋਤਿਆਂ ਦੇ ਰੂਬਰੂ ਹੋਏ ਅਤੇ ਆਪਣੇ ਚਾਹੁਣ ਵਾਲਿਆਂ ਨਾਲ ਤਸਵੀਰਾਂ ਵੀ ਖਿਚਵਾਈਆਂ।
19 ਨਵੰਬਰ ਦਿਨ ਸ਼ਨੀਵਾਰ ਨੂੰ ਆਕਲੈਂਡ ‘ਚ ਹੋਣ ਜਾ ਰਹੇ ‘ਗੈਰੀ ਸੰਧੂ ਆਕਲੈਂਡ ਲਾਈਵ’ ਸ਼ੋਅ ਬਾਰੇ ਹੋਰ ਵਧੇਰੇ ਜਾਣਕਾਰੀ ਪ੍ਰਾਪਤ ਕਰਨ ਲਈ ਤੁਸੀਂ ਬਲਜੀਤ ਗਰੇਵਾਲ ਨਾਲ 021 100 2288, ਬਲਤੇਜ ਸਿੰਘ 021 870 399, ਅੰਮ੍ਰਿਤ ਸਿੱਧੂ 022 369 1622, ਸ਼ਰਨਦੀਪ ਸਿੰਘ 021 029 79245 ‘ਤੇ ਸੰਪਰਕ ਕਰ ਸਕਦੇ ਹੋ।
