ਆਕਲੈਂਡ, 28 ਨਵੰਬਰ – ਸਰਕਾਰ ਨੇ ਅੱਜ ਰਿਟੇਲ ਕ੍ਰਾਈਮ ਦਾ ਮੁਕਾਬਲਾ ਕਰਨ ਲਈ ਨਵੇਂ ਉਪਾਵਾਂ ਦਾ ਐਲਾਨ ਕੀਤਾ ਹੈ, ਜਿਸ ਵਿੱਚ ਨਿਊਜ਼ੀਲੈਂਡ ਦੀਆਂ ਸਾਰੀਆਂ ਛੋਟੀਆਂ ਦੁਕਾਨਾਂ ਅਤੇ ਡੇਅਰੀਆਂ ਲਈ ਫੋਗ ਕੈਨਨ ਸਬਸਿਡੀ ਸਕੀਮ ਸ਼ਾਮਲ ਹੈ, ਸਰਕਾਰ ਹਰ ਛੋਟੀ ਦੁਕਾਨ ਅਤੇ ਡੇਅਰੀ ਨੂੰ $4000 ਅਦਾ ਕਰੇਗੀ ਜੋ ਫੋਗ ਕੈਨਨਸ ਲਗਵਾਉਣਾ ਚਾਹੁੰਦੇ ਹਨ। ਸਰਕਾਰ ਵੱਲੋਂ ਇਹ ਐਲਾਨ ਪਿਛਲੇ ਬੁੱਧਵਾਰ ਸੈਂਡਰਿੰਗਮ ਡੇਅਰੀ ਕਰਮਚਾਰੀ ਜਨਕ ਪਟੇਲ ਦੀ ਕਥਿਤ ਹੱਤਿਆ ਤੋਂ ਬਾਅਦ ਆਇਆ ਹੈ।
ਪ੍ਰਧਾਨ ਮੰਤਰੀ ਜੈਸਿੰਡਾ ਆਰਡਰਨ ਨੇ ਸੋਮਵਾਰ ਨੂੰ ਆਕਲੈਂਡ ‘ਚ ਆਯੋਜਿਤ ਇੱਕ ਪੋਸਟ-ਕੈਬਨਿਟ ਮੀਡੀਆ ਕਾਨਫ਼ਰੰਸ ਦੌਰਾਨ ਰਿਟੇਲ ਸ਼ਾਪਸ ਲਈ ਫੰਡਿੰਗ ਦੇ ਨਵੇਂ ਵਿਕਲਪਾਂ ਦੀ ਇੱਕ ਲੜੀ ਦਾ ਐਲਾਨ ਕੀਤਾ। ਜਿਸ ‘ਚ $4 ਮਿਲੀਅਨ ਦਾ ਨਵਾਂ ਸਰਕਾਰੀ ਫ਼ੰਡ ਸਥਾਨਕ ਅਪਰਾਧ ਨੂੰ ਰੋਕਣ ਲਈ ਆਕਲੈਂਡ, ਬੇਅ ਆਫ਼ ਪਲੇਨਟੀ ਅਤੇ ਹੈਮਿਲਟਨ ਕੌਂਸਲਾਂ ਦੀ ਮਦਦ ਕਰੇਗਾ। ਮੌਜੂਦਾ ਅਪਰਾਧ ਰੋਕਥਾਮ ਫ਼ੰਡ, ਰੈਮ ਰੇਡ ਦੇ ਜਵਾਬ ਵਜੋਂ ਸ਼ੁਰੂ ਕੀਤਾ ਗਿਆ ਸੀ, ਦਾ ਵਿਸਤਾਰ ਉਨ੍ਹਾਂ ਡੇਅਰੀਆਂ ਲਈ ਵੀ ਕੀਤਾ ਜਾਵੇਗਾ ਜੋ ਇੱਕ ਭਿਆਨਕ ਲੁੱਟ ਦਾ ਸ਼ਿਕਾਰ ਹੋਈਆਂ ਹਨ।
ਪ੍ਰਧਾਨ ਮੰਤਰੀ ਆਰਡਰਨ ਨੇ ਕਿਹਾ ਕਿ ਜਦੋਂ ਕਿ ਨੌਜਵਾਨਾਂ ਦੇ ਅਪਰਾਧ ਅਤੀਤ ਦੇ ਮੁਕਾਬਲੇ ਹੁਣ ਬਹੁਤ ਘੱਟ ਹਨ, ਰੈਮ ਰੇਡਾਂ ਅਤੇ ਹੋਰ ਰਿਟੇਲ ਕ੍ਰਾਈਮਸ ਤੋਂ ਹੋਣ ਵਾਲੇ ਜੋਖ਼ਮ ਅਤੇ ਨੁਕਸਾਨ ਭਾਈਚਾਰਿਆਂ ਤੇ ਪੀੜਤਾਂ ਨਾਲ ਸਬੰਧਿਤ ਹਨ। ਦੁਕਾਨ ਦੇ ਮਾਲਕ ਅਤੇ ਕਰਮਚਾਰੀ ਨਿਸ਼ਾਨਾ ਬਣਦੇ ਹਨ, ਇਹ ਅਸਵੀਕਾਰਨਯੋਗ ਹੈ। ਉਨ੍ਹਾਂ ਕਿਹਾ “ਅੱਜ ਅਸੀਂ ਜਿਨ੍ਹਾਂ ਪਹਿਲਕਦਮੀਆਂ ਦਾ ਐਲਾਨ ਕਰ ਰਹੇ ਹਾਂ, ਉਹ ਇਸ ਨੂੰ ਹਾਲ ਹੀ ਦੀ ਯਾਦ ਵਿੱਚ ਸਭ ਤੋਂ ਮਹੱਤਵਪੂਰਨ ਅਪਰਾਧ ਰੋਕਥਾਮ ਵਿੱਤੀ ਪੈਕੇਜ ਬਣਾਉਂਦੇ ਹਨ। ਇਹ ਪੁਲਿਸ ਕਾਰਵਾਈਆਂ ਦੀ ਹਮਾਇਤ ਕਰਦਾ ਹੈ, ਅਪਰਾਧ ਰੋਕਥਾਮ ਪਹਿਲਕਦਮੀਆਂ ਦੀ ਹਮਾਇਤ ਕਰਨ ਲਈ ਫੰਡਿੰਗ ਦੁਆਰਾ, ਜਿਵੇਂ ਕਿ ਬਿਹਤਰ ਸਟਰੀਟ ਲਾਈਟਿੰਗ ਅਤੇ ਕੈਮਰੇ ਅਤੇ ਹੋਰ ਫੋਗ ਕੈਨਨ ਵਿੱਚ ਨਿਵੇਸ਼ ਕਰਕੇ।
ਗੌਰਤਲਬ ਹੈ ਕਿ ਇਹ ਐਲਾਨ ਉਦੋਂ ਸਾਹਮਣੇ ਆਇਆ ਹੈ ਜਦੋਂ ਜਨਕ ਪਟੇਲ ਦੀ ਕਥਿਤ ਹੱਤਿਆ ਤੋਂ ਬਾਅਦ ਅਪਰਾਧ ਨਾਲ ਨਜਿੱਠਣ ਲਈ ਸਰਕਾਰ ਵੱਲੋਂ ਨਾਕਾਫ਼ੀ ਮੰਨੇ ਗਏ ਉਪਾਵਾਂ ਦੇ ਵਿਰੋਧ ‘ਚ ਦੇਸ਼ ਭਰ ਦੀਆਂ ਕਈ ਡੇਅਰੀਆਂ ਨੇ ਅੱਜ ਆਪਣੇ ਸਟੋਰ ਦੋ ਘੰਟਿਆਂ ਲਈ ਬੰਦ ਰੱਖੇ। ਅੱਜ ਭਾਈਚਾਰੇ ਵੱਲੋਂ ਮਾਊਂਟ ਅਲਬਰਟ ਵਿੱਚ ਪ੍ਰਧਾਨ ਮੰਤਰੀ ਆਰਡਰਨ ਦੇ ਵੋਟਰ ਦਫ਼ਤਰ ਦੇ ਬਾਹਰ ਵੀ ‘ਇਨੱਗ ਈਜ਼ ਇਨੱਗ’ ਦੇ ਨਾਂਅ ਹੇਠ ਇਕੱਠਾ ਹੋਇਆ।
ਪ੍ਰਧਾਨ ਮੰਤਰੀ ਆਰਡਰਨ ਨੇ ਕਿਹਾ ਕਿ ਅਪਰਾਧ ਦੀ ਰੋਕਥਾਮ ਦੇ ਉਪਾਵਾਂ ਵਿੱਚ ਸਹਾਇਤਾ ਲਈ ਸਥਾਨਕ ਕੌਂਸਲਾਂ ਨੂੰ $4 ਮਿਲੀਅਨ ਦੀ ਨਵੀਂ ਫੰਡਿੰਗ ਉਪਲਬਧ ਕਰਵਾਈ ਜਾਵੇਗੀ। ਇਹ ਆਕਲੈਂਡ ਕਾਉਂਸਿਲ ਲਈ $2 ਮਿਲੀਅਨ, ਹੈਮਿਲਟਨ ਕਾਉਂਸਿਲ ਲਈ $1 ਮਿਲੀਅਨ ਅਤੇ ਬੇਅ ਆਫ਼ ਪਲੇਨਟੀ ਵਿੱਚ ਕੌਂਸਲਾਂ ਲਈ $1 ਮਿਲੀਅਨ ਹੋਵੇਗੀ, ਤਾਂਕਿ ਸਥਾਨਕ ਅਪਰਾਧ ਰੋਕਥਾਮ ਉਪਾਵਾਂ ਦੇ ਲਈ ਕੌਂਸਲਾਂ ਦੁਆਰਾ ਡਾਲਰ-ਦਰ-ਡਾਲਰ ਦੇ ਆਧਾਰ ‘ਤੇ ਮਿਲਾਨ ਕੀਤਾ ਜਾ ਸਕੇ। ਇਹ ਸਾਂਝੇਦਾਰੀ ਭੂਗੋਲਿਕ ਖੇਤਰਾਂ ਵਿੱਚ ਵਾਤਾਵਰਨ ਡਿਜ਼ਾਈਨ (CPTED) ਉਪਾਵਾਂ ਦੁਆਰਾ ਅਪਰਾਧ ਰੋਕਥਾਮ ‘ਤੇ ਕੇਂਦਰਿਤ ਹੋਣ ਦੀ ਸੰਭਾਵਨਾ ਹੈ ਜਿੱਥੇ ਛੋਟੇ ਰਿਟੇਲਰਾਂ ਨੂੰ ਆਮ ਤੌਰ ‘ਤੇ ਨਿਸ਼ਾਨਾ ਬਣਾਇਆ ਜਾਂਦਾ ਹੈ, ਜਿਵੇਂ ਕਿ ਸਟਰੀਟ ਲਾਈਟਿੰਗ, ਸੀਸੀਟੀਵੀ ਕੈਮਰੇ ਅਤੇ ਪਲਾਂਟਰ। ਉਨ੍ਹਾਂ ਕਿਹਾ ਅਸੀਂ ਅੱਜ ਇਹ ਵੀ ਐਲਾਨ ਕਰ ਰਹੇ ਹਾਂ ਕਿ ਅਸੀਂ ਫੋਗ ਕੈਨਨ ਨੂੰ ਸਥਾਪਤ ਕਰਨ ਲਈ ਸਾਰੀਆਂ ਛੋਟੀਆਂ ਦੁਕਾਨਾਂ ਅਤੇ ਡੇਅਰੀਆਂ ਲਈ ਫ਼ੰਡ ਉਪਲਬਧ ਕਰਵਾਵਾਂਗੇ,1000 ਨੂੰ ਜੋੜ ਕੇ ਜੋ ਪਹਿਲਾਂ ਹੀ ਫੋਗ ਕੈਨਨਾਂ ਦੀ ਪਹਿਲਕਦਮੀ ਦੇ ਹਿੱਸੇ ਵਜੋਂ ਸਥਾਪਿਤ ਕੀਤੇ ਜਾ ਚੁੱਕੇ ਹਨ। ਉਨ੍ਹਾਂ ਨੇ ਰਿਟੇਲ ਕ੍ਰਾਈਮ ਪ੍ਰੀਵੈਨਸ਼ਨ ਫ਼ੰਡ ਦੇ ਵਿਸਥਾਰ ਦਾ ਵੀ ਐਲਾਨ ਕੀਤਾ।
ਉਨ੍ਹਾਂ ਦੱਸਿਆ ਕਿ 6 ਮਿਲੀਅਨ ਡਾਲਰ ਦਾ ਰਿਟੇਲ ਕ੍ਰਾਈਮ ਪ੍ਰੀਵੈਨਸ਼ਨ ਫ਼ੰਡ 2022 ਦੀ ਸ਼ੁਰੂਆਤ ਵਿੱਚ ਛੋਟੀਆਂ ਦੁਕਾਨਾਂ ਅਤੇ ਡੇਅਰੀਆਂ ਲਈ ਸਥਾਪਤ ਕੀਤਾ ਗਿਆ ਸੀ ਕਿਉਂਕਿ ਅਪਰਾਧ ਰੈਮ-ਰੇਡਿੰਗ ਵਿੱਚ ਤਬਦੀਲ ਹੋ ਗਿਆ ਸੀ। ਪੁਲਿਸ ਫ਼ੰਡ ਤੱਕ ਪਹੁੰਚ ਕਰਨ ਵਾਲੇ ਸਟੋਰਾਂ ਦੀ ਗਿਣਤੀ ‘ਤੇ ਤਰੱਕੀ ਕਰ ਰਹੀ ਹੈ। 100 ਤੋਂ ਵੱਧ ਦੁਕਾਨਾਂ ਕੋਲ ਹੁਣ ਸਥਾਪਨਾਵਾਂ ਨੂੰ ਮਨਜ਼ੂਰੀ ਦਿੱਤੀ ਗਈ ਹੈ, 431 ਸੁਰੱਖਿਆ ਉਪਾਅ ਨਿਰਧਾਰਿਤ ਕੀਤੇ ਗਏ ਹਨ ਅਤੇ ਚੱਲ ਰਹੇ ਹਨ। ਇਸ ਵਿੱਚ 93 ਫੋਗ ਕੈਨਨ, 78 ਸੁਰੱਖਿਆ ਸਾਇਰਨ, 57 ਅਲਾਰਮ, 63 ਸੀਸੀਟੀਵੀ ਸਿਸਟਮ, 43 ਬੋਲਾਰਡ ਅਤੇ 36 ਰੋਲਰ ਦਰਵਾਜ਼ੇ ਸ਼ਾਮਲ ਹਨ। ਉਨ੍ਹਾਂ ਕਿਹਾ ਅਸੀਂ ਮੁੜ-ਮੁੜ ਦੁਹਰਾਉਣ ਵਾਲੇ ਅਪਰਾਧੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨਾਲ ਵੀ ਆਪਣਾ ਰਾਬਤਾ ਜਾਰੀ ਰੱਖਾਂਗੇ।
ਪ੍ਰਧਾਨ ਮੰਤਰੀ ਆਰਡਰਨ ਨੇ ਕਿਹਾ ਕਿ ਹਰੇਕ ਦੁਕਾਨ ਲਈ $4000 ਦੀ ਫੰਡਿੰਗ ਉਪਲਬਧ ਹੋਵੇਗੀ ਜੋ ਇੱਕ ਪ੍ਰਵਾਨਿਤ ਸਪਲਾਇਰ ਦੁਆਰਾ ਫੋਗ ਕੈਨਨ ਸਥਾਪਤ ਕਰਨ ਦੇ ਯੋਗ ਹੋਣਗੇ, ਭਾਵ ਉਹ ਉਨ੍ਹਾਂ ਤੱਕ ਸਿੱਧੇ ਪਹੁੰਚ ਕਰ ਸਕਦੇ ਹਨ।
ਪੁਲਿਸ ਮੰਤਰੀ ਕ੍ਰਿਸ ਹਿਪਕਿਨਜ਼ ਨੇ ਕਿਹਾ ਕਿ ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਫੋਗ ਕੈਨਨ ਅਤੇ ਰੈਮ ਰੇਡ ਫ਼ੰਡ ਇੱਕੋ ਸਮੇਂ ਚੱਲ ਰਹੇ ਹਨ। ਉਨ੍ਹਾਂ ਕਿਹਾ ਗਲੋਬਲ ਸਪਲਾਈ ਚੇਨ ਮੁੱਦਿਆਂ ਦੇ ਬਾਵਜੂਦ, ਪੁਲਿਸ ਇੱਕ ਵਾਧੂ 455 ਫੋਗ ਕੈਨਨਸ ਮੰਗਵਾਉਣ ਵਿੱਚ ਸਫਲ ਰਹੀ ਹੈ, ਜੋ ਕ੍ਰਿਸਮਸ ਤੋਂ ਪਹਿਲਾਂ ਪਹੁੰਚਣ ਦੀ ਉਮੀਦ ਹੈ। ਇਹ 270 ਫੋਗ ਕੈਨਨਸ ਨੂੰ ਜੋੜਦਾ ਹੈ ਜੋ ਵਰਤਮਾਨ ਵਿੱਚ ਦੇਸ਼ ਵਿੱਚ ਹਨ ਅਤੇ ਪ੍ਰਭਾਵਿਤ ਦੁਕਾਨਾਂ ਨੂੰ ਅਲਾਟ ਕੀਤੀਆਂ ਗਈਆਂ ਹਨ।
