ਸੈਕਰਾਮੈਂਟੋ, 31 ਜਨਵਰੀ (ਹੁਸਨ ਲੜੋਆ ਬੰਗਾ) – 2024 ਲਈ ਐਚ-1ਬੀ ਵੀਜ਼ਾ ਦੀ ਮੁੱਢਲੀ ਰਜਿਸਟ੍ਰੇਸ਼ਨ ਲਈ ਹੁਨਰਮੰਦ ਉਮੀਦਵਾਰਾਂ ਤੋਂ ਅਰਜੀਆਂ 1 ਮਾਰਚ ਤੋਂ 17 ਮਾਰਚ ਤੱਕ ਲਈਆਂ ਜਾਣਗੀਆਂ। ਇਹ ਐਲਾਨ ਯੂ ਐਸ ਸਿਟੀਜ਼ਨਸ਼ਿਪ ਐਂਡ ਇਮੀਗ੍ਰੇਸ਼ਨ ਸਰਵਿਸਜ ਨੇ ਕੀਤਾ ਹੈ। ਉਮੀਦਵਾਰ ਆਨ ਲਾਈਨ ਐਚ-1ਬੀ ਰਜਿਸਟ੍ਰੇਸ਼ਨ ਸਿਸਟਮ ਰਾਹੀਂ ਆਪਣੀ ਰਜਿਸਟੇ੍ਰਸ਼ਨ ਕਰਵਾ ਸਕਦੇ ਹਨ। ਰਜਿਸਟ੍ਰੇਸ਼ਨ ਤੋਂ ਬਾਅਦ ਯੂ ਐਸ ਸਿਟੀਜ਼ਨਸ਼ਿਪ ਐਂਡ ਇਮੀਗ੍ਰੇਸ਼ਨ ਸਰਵਿਸਜ ਰਜਿਸਟ੍ਰੇਸ਼ਨ ਪੁਸ਼ਟੀ ਨੰਬਰ ਜਾਰੀ ਕਰੇਗਾ ਜਿਸ ਤੋਂ ਉਮੀਦਵਾਰ ਆਪਣੀ ਰਜਿਸਟ੍ਰੇਸ਼ਨ ਦੀ ਸਥਿੱਤੀ ਬਾਰੇ ਜਾਣਕਾਰੀ ਲੈ ਸਕਣਗੇ। ਹਰੇਕ ਰਜਿਸਟੇਸ਼ਨ ਲਈ 10 ਡਾਲਰ ਫੀਸ ਦੀ ਅਦਾਇਗੀ ਕਰਨੀ ਪਵੇਗੀ।
