ਵੈਲਿੰਗਟਨ, 25 ਅਪ੍ਰੈਲ – 25 ਅਪ੍ਰੈਲ 2023 ਨੂੰ ‘ਐਨਜ਼ੈਕ ਡੇਅ’ ਵਾਲੇ ਦਿਨ ‘ਪਹਿਲੀ ਵਿਸ਼ਵ ਜੰਗ’ ਵਿੱਚ ਨਿਊਜ਼ੀਲੈਂਡ, ਆਸਟਰੇਲੀਆ ਤੇ ਭਾਰਤੀ ਖ਼ਾਸ ਕਰਕੇ ਸਿੱਖਾਂ ਵੱਲੋਂ ਗੋਲੀਪਲੀ ਦੀ ਜੰਗ ਦੌਰਾਨ ਸ਼ਹਾਦਤ ਦਾ ਜਾਮਾ ਪਹਿਨਣ ਵਾਲੇ ਤੇ ਜ਼ਖ਼ਮੀ ਫ਼ੌਜੀਆਂ ਨੂੰ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਸੀਵੀਕ ਸਮਾਰੋਹ ਦੌਰਾਨ ਸ਼ਰਧਾਂਜਲੀ ਦਿੱਤੀ ਗਈ। ਅੱਜ ਸੀਵੀਕ ਸਮਾਰੋਹ ਦੌਰਾਨ ਨਿਊਜ਼ੀਲੈਂਡ ਸਿੱਖ ਸੁਸਾਇਟੀ ਵੈਲਿੰਗਟਨ ਵੱਲੋਂ ਵੀ ਸ. ਗੁਰਤੇਜ ਸਿੰਘ ਅਤੇ ਹੋਰ ਸਿੱਖਾਂ ਵੱਲੋਂ ਮੈਮੋਰੀਅਲ ਸਰਵਿਸ ਦੌਰਾਨ ਸ਼ਹੀਦਾਂ ਦੀ ਯਾਦ ਨੂੰ ਸਮਰਪਿਤ ਹੁੰਦੇ ਹੋਏ ਸ਼ਹੀਦ ਫ਼ੌਜੀਆਂ ਦੇ ਸਨਮਾਨ ‘ਚ ਰੀਤ ਪਰਜ਼ੈਂਟ ਕੀਤੀ ਗਈ।
